قىتاي ءوز ىشكى ىستەرىنە ارالاسۋدى جاقتىرمايدى، بىراق سودىر ساياسات جۇرگىزگەن شىڭجاڭنىڭ قىتاي بيلەۋشىسى ءوز بيلىك تاراپىنان قاتتى سىنالدى دا، ورنىنان الىندى. قانداستارىنىڭ شىڭجاڭدا جانشىلۋى - قازاقستان تاراپىنان ادەكۆاتتى باعالاۋ الدى دەيمىن. سىرتقى ىستەر مينيسترلىگى تاراپىنان قىتايعا ديپلوماتيالىق نوتا تاپسىرىلعان، الماتىدا بىرنەشە بەيرەسمي پروتەستىك اكتسيالار دا بولدى. قازاق، قىرعىز بەن ۇيعىر تاراپتارىنان بەيرەسمي ساياسي پروتەستىك شارالار وتكىزىلدى. سول سياقتى حالىقارالىق ينستيتۋتتارعا جەرگىلىكتى ۇلتتاردىڭ جانشىلۋى ءحالى تۋرالى الەمدىك حالىقارالىق ۇيىمدارعا ارىز-شاعىمدار مەن وتىنىشتەر جىبەرىلدى. ال اقش پەن ەۋروپالىق وداق بۇل قۇجاتتاردى پايدالانىپ، قىتايعا قوسىمشا سانكتسيالار سالۋ ىقتيمالدىعى بار. وسىدان كەيىن بارا-كەلە قازاقتى جانشۋ جۇمسارادى-اۋ دەپ ويلايمىن. قىتاي كوممۋنيستىك جۇيەدەن پالەندەي قايتپاعان مەملەكەت، ونىڭ ۇستىنە ونىڭ يمپەريالىق دامەسى دە بار. قىتاي ۇلتتىق ازشىلىقتار ماسەلەسىن تۇپكىلىكتى قىتايلاندىرۋ ارقىلى شەشپەك. باسقا ۇلتتىق ازشىلىقتاردىڭ ءبىرازىن جۇتىپ ۇلگەرگەن، بىراق مۇسىلمانداردى قىتايلاندىرۋ اسسيميلياتسيالاۋ جولىن ءالى تاپقان جوق. ءتىپتى، تيبەتتىكتەردى دە سىڭىرە العان جوق. مۇمكىن وعان ۇزاق كەزەڭ كەرەك سياقتى. قىتايدىڭ دامۋ قارقىنى بارا-كەلە باسەڭدەي بەرەدى: ەكونوميكالىق قارقىن 12%-تەن 6%-كە ءتۇستى. ءبىزدىڭ ويىمىزشا، قىتايدىڭ ەكونوميكالىق وسۋىندە سوتسياليزمگە ءتان "قوسىپجازۋ" كوتەرىلىپ كەلەدى. بارا-كەلە قىتاي نارىقتىق پەن ساياسي ليبەراليزم، قۇقىق پەن ءوزىن-ءوزى باسقارۋ جۇيەسىنەن تايۋ پروتسەسى كۇشەيىپ كەلەدى. ولاي بولسا ولار وسى باعىتتى ساقتاسا تىعىرىققا بارادى. تۇبىندە قىتاي كسرو-نىڭ كەيپىن كيەدى، داعدارىسقا ءتۇسىپ، ىدىرايدى. قىتاي جاقىن بولاشاقتا بىرقاتار مەملەكەتتەرگە اگرەسسيۆتى پيعىل كورسەتەدى.

“The Qazaq Times”