ۋكراينا ناتو-عا قوسىلۋ تۋرالى رەفەرەندۋم وتكىزۋگە دايىندالىپ جاتىر

ۋكراينانى ناتو‑عا قوسۋعا باعىتتالعان تالپىنىستاردىڭ ارتۋى، وسى ەل باسشىلارىنىڭ ۋاجدەرى بويىنشا، ۋكراينا حالقىنىڭ تالابىنان تۋىنداپ وتىر. ۋكراينا پرەزيدەنتى 4 جىل بۇرىن وسى ەل حالقىنىڭ 16 پايىزىنىڭ ناتو‑عا قوسىلۋدى قولداعانىن، ال قازىر بۇل ساننىڭ 54 پايىزعا جەتكەنىن ايتتى.

ارينە ۋكراينانىڭ باتىسشىل ۇكىمەتى ءۇشىن ناتو‑عا قوسىلۋ ءۇشىن ىشكى‑سىرتقى كەدەرگىلەر جەتكىلىكتى. ۋكراينانىڭ باستى پارتيالارى وسى ەلدىڭ ناتو‑عا قوسىلۋىنا قاتىستى پىكىر قايشىلىعىنا يە. ۋكراينا پرەزيدەنتىن جاقتاۋشى فراكتسيا بولىپ تابىلاتىن «پەتر پوروشەنكو بلوگى» اتتى پارتيا ناتو‑عا قوسىلۋدى قولدايدى، ال رەسەيشىل «ايماقتار» پارتياسى ناتو‑عا قوسىلۋعا قارسى. رەسەي ۋكراينانىڭ ماڭىزدى كورشىسى رەتىندە بۇل ەلدىڭ ناتو‑عا قوسىلۋىنا قارسى ەڭ ۇلكەن ەل بولىپ تابىلادى. رەسەي ناتو‑نىڭ وزىنە كورشىلەس ەلدەردە، ياعني جاقىن شەتەلدەردە، اسىرەسە ۋكراينادا ورنالاسۋىن قىزىل سىزىقتى اتتاۋ جانە رەسەيدىڭ ۇلتتىق قاۋىپسىزدىگىنە قاتەر تونۋگە سەبەپ دەپ سانايدى. باتىسشىل ۆيكتور يانۋكوۆيچتىڭ پرەزيدەنتتىك كەزىندە ۋكراينانىڭ ناتو‑عا قوسىلۋ ماسەلەسى كوتەرىلگەننەن باستاپ رەسەي وعان قاتاڭ قارسىلىق ءبىلدىرىپ كەلەدى. ۋكراينانىڭ سول كەزدەگى پرەزيدەنتى ۆيكتور يانۋكوۆيچ بۇل ەلدىڭ جىلدام ناتو‑عا مۇشە بولۋىن قالاعانىمەن، رەسەي كوپتەگەن قيىندىق تۋدىرىپ، يانۋكوۆيچتىڭ ۇكىمەتىن تىعىرىققا تىرەپ، ۋكراينانىڭ ناتو‑عا قوسىلۋىنىڭ قاتەرلى سالدارلارى تۋرالى ەسكەرتۋلەر جاساپ، ونىڭ 2010 جىلعا دەيىنگى بيلىگىنىڭ سوڭىنا دەيىن بۇل ەلدىڭ ناتو‑عا قوسىلۋىنا كەدەرگى جاسادى. 2014 جىلى ۋكراينادا پەتر پوروشەنكو باستاعان تاعى ءبىر باتىسشىل ۇكىمەت بيلىك باسىنا كەلگەننەن كەيىن جانە وسى ەلدىڭ شىعىس ايماقتارىندا ازامات سوعىسى باستالعان سوڭ كيەۆ باسشىلارى قايتادان رەسەيگە توتەپ بەرەتىن قاۋىپسىزدىك كەپىلدىگى رەتىندە ناتو‑عا قوسىلۋدى كوزدەپ وتىر. بۇعان قاراماستان، ماسكەۋ وسى جاقىن شەتەلدەردىڭ ناتو‑عا قوسىلۋىنا كەسىمدى تۇردە قارسى جانە ەشقاشان بۇل ماسەلەنى قابىلدامايدى. ناتو‑عا مۇشە گەرمانيا سياقتى كەيبىر ەلدەردىڭ ۋكراينانىڭ وسى ۇيىمعا قوسىلۋىنا قارسىلىعى ءۇشىنشى كەدەرگى بولىپ تابىلادى. گەرمانيانىڭ ۋكرايناداعى ەلشىسى ەرنست ۆولفگانگ ريشەل 2016 جىلدىڭ قىركۇيەك ايىنىڭ ورتاسىندا: «ۋكراينا قازىرگى تاڭدا ناتو‑عا قوسىلۋعا دايىن ەمەس. بۇل ماسەلە وسى اسكەري كواليتسيانىڭ قىسقا مەرزىمدى كۇن تارتىبىنە قويىلماعان»،‑دەپ مالىمدەدى. وسىنداي قارسى پوزيتسياعا قاراماستان، ۋكراينانىڭ باتىسشىل ۇكىمەتى اتالمىش تاقىرىپتى قاداعالاپ، ناتو‑نىڭ باسقا ماڭىزدى مۇشەلەرى اقش، ۇلىبريتانيا مەن فرانتسيانىڭ قولداۋىنا سۇيەنىپ، وسى سالاداعى ءوزىنىڭ قالاۋىنا قول جەتكىزۋگە ۇمىتتەنەدى. بۇعان قاراماستان، ءتىپتى ەگەر كيەۆ ءوزىنىڭ قوسىلۋى ءۇشىن ناتو‑نىڭ بارلىق مۇشەسىن ريزا ەتە السا دا، وتە اۋىر كەدەرگى، ياعني رەسەيدىڭ وسى ماسەلەگە قارسىلىعى ءالى كۇشىن ساقتاپ وتىر.

“The Qazaq Times"