Ukraina NATO-ğa qosılu turalı referendum ötkizuge dayındalıp jatır

Ukrainanı NATO‑ğa qosuğa bağıttalğan talpınıstardıñ artuı, osı el basşılarınıñ uäjderi boyınşa, Ukraina halqınıñ talabınan tuındap otır. Ukraina Prezidenti 4 jıl bwrın osı el halqınıñ 16 payızınıñ NATO‑ğa qosıludı qoldağanın, al qazir bwl sannıñ 54 payızğa jetkenin ayttı.

Ärine Ukrainanıñ batısşıl ükimeti üşin NATO‑ğa qosılu üşin işki‑sırtqı kedergiler jetkilikti. Ukrainanıñ bastı partiyaları osı eldiñ NATO‑ğa qosıluına qatıstı pikir qayşılığına ie. Ukraina Prezidentin jaqtauşı frakciya bolıp tabılatın «Petr Poroşenko blogı» attı partiya NATO‑ğa qosıludı qoldaydı, al reseyşil «Aymaqtar» partiyası NATO‑ğa qosıluğa qarsı. Resey Ukrainanıñ mañızdı körşisi retinde bwl eldiñ NATO‑ğa qosıluına qarsı eñ ülken el bolıp tabıladı. Resey NATO‑nıñ özine körşiles elderde, yağni jaqın şetelderde, äsirese Ukrainada ornalasuın qızıl sızıqtı attau jäne Reseydiñ wlttıq qauipsizdigine qater tönuge sebep dep sanaydı. Batısşıl Viktor YAnukoviçtiñ prezidenttik kezinde Ukrainanıñ NATO‑ğa qosılu mäselesi köterilgennen bastap Resey oğan qatañ qarsılıq bildirip keledi. Ukrainanıñ sol kezdegi Prezidenti Viktor YAnukoviç bwl eldiñ jıldam NATO‑ğa müşe boluın qalağanımen, Resey köptegen qiındıq tudırıp, YAnukoviçtiñ ükimetin tığırıqqa tirep, Ukrainanıñ NATO‑ğa qosıluınıñ qaterli saldarları turalı eskertuler jasap, onıñ 2010 jılğa deyingi biliginiñ soñına deyin bwl eldiñ NATO‑ğa qosıluına kedergi jasadı. 2014 jılı Ukrainada Petr Poroşenko bastağan tağı bir batısşıl ükimet bilik basına kelgennen keyin jäne osı eldiñ şığıs aymaqtarında azamat soğısı bastalğan soñ Kiev basşıları qaytadan Reseyge tötep beretin qauipsizdik kepildigi retinde NATO‑ğa qosıludı közdep otır. Bwğan qaramastan, Mäskeu osı jaqın şetelderdiñ NATO‑ğa qosıluına kesimdi türde qarsı jäne eşqaşan bwl mäseleni qabıldamaydı. NATO‑ğa müşe Germaniya siyaqtı keybir elderdiñ Ukrainanıñ osı wyımğa qosıluına qarsılığı üşinşi kedergi bolıp tabıladı. Germaniyanıñ Ukrainadağı elşisi Ernst Vol'fgang Rişel' 2016 jıldıñ qırküyek ayınıñ ortasında: «Ukraina qazirgi tañda NATO‑ğa qosıluğa dayın emes. Bwl mäsele osı äskeri koaliciyanıñ qısqa merzimdi kün tärtibine qoyılmağan»,‑dep mälimdedi. Osınday qarsı poziciyağa qaramastan, Ukrainanıñ batısşıl ükimeti atalmış taqırıptı qadağalap, NATO‑nıñ basqa mañızdı müşeleri AQŞ, Wlıbritaniya men Franciyanıñ qoldauına süyenip, osı saladağı öziniñ qalauına qol jetkizuge ümittenedi. Bwğan qaramastan, tipti eger Kiev öziniñ qosıluı üşin NATO‑nıñ barlıq müşesin riza ete alsa da, öte auır kedergi, yağni Reseydiñ osı mäselege qarsılığı äli küşin saqtap otır.

“The Qazaq Times"