سولتۇستىك كورەيانىڭ 29 قاراشاداعى ۇشىرعان بالليستيكالىق زىمىران. فوتو: WSJ.

بۇۇ قاۋىپسىزدىك كەڭەسىنىڭ وتكەن جۇماداعى وتىرىسى كەزىندە، سولتۇستىك كورەياعا قارسى سالىنعان سانكتسيالاردى كۇشەيتۋ قارارىن ءبىر اۋىزدان ماقۇلدادى. قاۋىپسىزدىك كەڭەستىڭ بۇل قارارى 29 قاراشاداعى سولتۇستىك كورەيا ۇشىرعان قۇرلىقارالىق بالليستيكالىق زىمىران سىناعىنا جاۋاپ رەتىندە جاسالدى. جاڭا سانكتسيادا كحدر-عا اكەلىنەتىن شيكى جانە وڭدەلگەن مۇناي مەن مۇناي ونىمدەرىن ءتىپتى دە قىسقارتا تۇسەدى. بۇل تۋرالى «WSJ» باسىلىمى حابارلادى.

جاڭا سانكتسيا سولتۇستىك كورەياعا كىرەتىن شيكى جانە تازارتىلعان مۇنايدىڭ 90 پايىزىن قىسقارتىپ تاستايدى. قاۋىپسىزدىك كەڭەسىنىڭ ايتۋىنشا وسى ەنەرگيا كوزدەرى سولتۇستىك كورەيانىڭ اسكەري قۋاتى مەن يادرولىق باعدارلامالارى ءۇشىن اسا ماڭىزدى. سانكتسيالار سولتۇستىك كورەيانىڭ شيكى مۇنايدى يمپورتتاۋ ءليميتىن 4 ميلليون باررەلگە دەيىن قىسقارتادى. وعان قوسا ديزەل جانە كەروسين سياقتى تازارتىلعان مۇنايدىڭ يمپورتىنىڭ جىلدىق كولەمى 500 مىڭ باررەلگە دەيىن تومەندەتەدى. بۇل كحدر ءۇشىن اۋىر سوققى بولاتىنى انىق.

سولتۇستىك كورەيانىڭ جەكسەنبى كۇنى رەسمي اقپارات اگەنتتىگى ارقىلى تاراتقان مالىمەتىندە، قۇراما شتات باستاعان بۇل سانكتسيا شەشىمى «سوعىس اشۋمەن» بىردەي دەپ باعالاعان. سونىمەن بىرگە، بۇل شاراعا قارسى «يادرولىق تەجەۋدى» ارتتىرا تۇسەتىنىن مالىمدەگەن.

سولتۇستىك كورەيا مالىمدەمەسىندە «سانكتسياعا قولداۋ كورسەتكەن ەلدەرگە دە قارسى شارا قولدانامىز» دەپ قورقىتقان.

قىتايدىڭ ءسىم-ءى جاساعان مالىمدەمەسىندە اقش -تىڭ باستاماسىمەن سالىنعان سانكتسيانىڭ سالماعى تىم اۋىر بولاتىنىن، قىتاي وزىنە قاتىستى كەيبىر جەڭىلدىكتەردى جاسايتىنىن العا تارتقان.

“The Qazaq Times”