تۇركىمەنستان رەسپۋبليكاسى – ورتا ازيا مەملەكەتى. حالىق سانى 6 ملن شاماسىندا. جەر كولەمى 488,1 شارشى شاقىرىم بولىپ، ونىڭ 80 پايىزى قۇمدى شولدەر، تاستى تاۋلار الىپ جاتىر. بەس ۋالاياتقا بولىنەدى. قازاقستانمەن ماڭعىستاۋ وبلىسى ارقىلى شەكتەسەدى. كاسپي تەڭىزى جاعالاۋىنداعى ەلگە جاتادى.
جالپى اسكەري قۋاتى
1995 جىلى 12 جەلتوقساندا 185 ەلدىڭ قولداۋىمەن بۇۇ جاعىنان بەيتاراپ ەل دەپ تانىلدى. تۇركىمەنستان قارۋلى كۇشتەرى 1992 جىلى مامىر ايىندا قۇرىلدى.
اسكەر سانى 22 مىڭ ادام اينالاسىندا (كەي دەرەكتەردە 2011 جىلى تۇركىمەنستان قارۋلى كۇشتەرىندە 30 مىڭ ادام بار دەپ كورسەتىلگەن). الايدا، ونىڭ 10 مىڭ ادامعا تاياۋى شەكارا قورعانىس جانە ىشكى اسكەري قىزمەتتە. جاتتىعۋدان وتكەن 10 مىڭ ادامدىق زاپاس اسكەرى بار. ۇلتتىق گۆارديادا مىڭعا تاياۋ اسكەر بار.
قۇرلىق ارمياسى
قۇرلىق ارميا قوسىنىندا 20 مىڭ ادام بار بولىپ، بەس اسكەري قولباسشىلىق شتابىنا بولىنگەن. جاتتىقتىرۋشىلار ديۆيزياسىن قامتىعان 4 موتواتقىشتار ديۆيزياسى، 2 موتواتقىشتار بريگاداسى، 1 ارتيللەريالى بريگادا، 2 زىمىران قورعانىس بريگاداسى، 1 زىمىران اتقىشتار بريگاداسى، 1 زەڭبىرەكشىلەر پولكى، 1 تانككە قارسى ارتيللەريا پولكى جانە ءبىر اسكەري ينجەنەريالىق كورپۋسقا بولىنەدى. بۇلاردان سىرت 1 تاۋەلسىز باتالوندار قوسىنا بار.
قۇرلىق ارمياسىنىڭ اسكەري تەحنيكالارى: 670 دانا ت-72 تانكى بار، اسكەري كولىكتەردەن: 170 دانا BRDM جانە BRDM-2 كولىكتەرى بار. جاياۋ اسكەرلەرگە ارنالعان كولىكتەردەن: 930 BMP-1 جانە BMP-2 كولىكتەرى بار. ال، BRM كولىكتەرىنەن 12-ءسى بار. بروندالعان اۆتو كولىكتەر: بتر-60 / بتر-70 / بتر-80 كولىكتەرى 829. سۇيرەلمەلى 122مم، 152مم ارتيللەريالار سانى 269. وزدىگىنەن جۇرەتىن ارتيللەريالار سانى 56 (122مم، 152مم). دۇركىندەتىپ اتاتىن گاۋبيتسا سانى 17. زىمىراندار سانى: 122مم جانە 220مم 125 داناسى بار. 88مم جانە 120 مم مينومەت 97 داناسى بار. ات-3 / ات-4 / ات-5 / ات-6 تۇرلەرىندەگى تانككە قارسى زىمىراننان 100 داناسى بار. تانككە قارسى قارۋدان 100 مم تۇرىندەگى 72 داناسى بار. الىس ارالىققا اتىلاتىن ارتيللەريا سانى 48 دانا. زەنيتتى-زىمىران سانى: SA-8 / SA-13 تۇنىنەن 53دانا، ال SA-7 تۇرىنە بىرنەشە داناسى بار. قۇرلىقتىق زىمىراننان SS-1 ءتيپتى 10 زىمىران بار.
تەڭىز ارمياسى
كاسپي تەڭىزى جاعالاۋ كۇزەتى مەن اسكەري-تەڭىز بازاسى بىرىككەندە 2000 اينالاسىندا اسكەري قىزمەتكەرى جانە 16 پاترۋلدىك قايىقتارى بار. تۇركىمەنستان قارۋلى كۇشتەرى تەڭىز ارميا قوسىنى نەگىزىنەن كاسپي تەڭىزىندەگى شەكارالىق كۇزەت ءۇشىن جاساقتالعان.
اۋە ارمياسى
اۋە قورعانىس كۇشتەرىن قامتىعاندا 4 مىڭ ادامى بار بولىپ، ەكى اۋە شابۋىل قوسىنى جانە ءبىر اۋە ارمياسىنىڭ قۇرلىق قوسىنىنا بولىنگەن. ولاردا ميگ-29, سۋ-17, ميگ-29U, سۋ-25مك ۇشاقتارى بار. بۇلارعا قوسا 1 ارالاس تاسىمال ەسكادراسى بار بولىپ، ان-26, مي-24, مي-8 ۇشاقتارىمەن جابدىقتالعان. سونىمەن بىرگە، سۋ -7B جانە L-39 ۇشاقتارىمەن جابدىقتالعان 1 تاكتيكالىق بارلاۋ باتالونى بار. ال، بىرنەشە اۋە زىمىران ەسكادرالارىندا SA-2 / SA-3 / SA-5 ءتيپتى جەردەن اتىلاتىن زىمىرانداردان 50 داناسى بار.
جاۋىنگەرلىك ۇشاقتارىنىڭ جالپى سانى 100 شاماسىندا. جاۋىنگەرلىك تىكۇشاقتار سانى 10.
جويعىش ۇشاقتارىنان: ميگ-29 ءتيپتى 22 ۇشاق بار.
ستراتەگيالىق شابۋىلشى ۇشاقتار: سۋ-17 ۇشاعىنان 65 دانا; سۋ-25مك ءتيپتى ۇشاقتارىنان 2 دانا.
تاسىمال ۇشاقتارى: ان-26 ۇشاعىنان ءبىر دانا.
جاتتىعۋ ۇشاعىنان: L-39 ءتيپتى 2 ۇشاق; ميگ-29U ءتيپتى 2 ۇشاق; سۋ -7B تۇرىنەن 3 داناسى بار.
تىكۇشاقتار: مي-24 ءتيپتى تىكۇشاقتان 10 دانا; مي-8 ءتيپتى تىكۇشاقتان 8 دانا.
قورعانىس بيۋدجەتى
2008 جىلدان باستاپ تۇركىمەنستان قورعانىس سالاسىنا اۋدارىلاتىن بيۋدجەت مولشەرىن ارتتىردى. سول جىلى تۇركىمەنستان جالپى ىشكى ءونىم قۇنىنىڭ 2,5 پايىزىن قورعانىس بيۋدجەتىنە اۋدارادى. بۇل شامامەن 600 ملن اقش دوللارى مولشەرىندەگى قارجى. 2007 جىلمەن سالىستىرعاندا 27 پايىزعا جوعارى. الايدا، ساراپشىلار بۇل قارجى مولشەرى ەلدىڭ قورعانىس قۋاتىن الەۋەتتەندىرۋگە جەتكىلىكسىز دەپ قارايدى.
قازاقستانعا كورشىلەس ەلدەردىڭ اسكەري قۋاتى:
«قازاقستان اسكەرى رەسەي شەكاراسىن قورعاۋعا بارا ما؟»: قورعانىس ءمينيسترى جاۋاپ بەردى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
ۋكراينا داعدارىسىنىڭ كۇشەيۋىنە بايلانىستى رەسەي – موڭگوليا - قىتاي مۇددەلىك قاتىناستارى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى