يراكتا كۇرد اۆتونومياسى تاۋەلسىزدىك جاريالاماق، اقش يراك بىرلىگىن قولداپ وتىر

يراكتىڭ كۇرد اۆتونوميالى وبلىسى ۇكىمەتى 7 ماۋسىم كۇنى تاۋەلسىزدىك تۋرالى رەفەرەندۋم جاريا ەتتى. رەفەرەندۋم قورتىندىسى وسى جىلدىڭ 25 قىركۇيەگىندە بەلگىلى بولماق. ءبىر كۇننەن كەيىنگى رەسەيلىك رەسمي اقپارات كوزدەرىنىڭ حابارلاۋىنشا، اقش مەملەكەتتىك دەپارتامەنتى بۇل ىسكە جاۋاپ بەرىپ، قۇراما شتات تاراپىنىڭ كۇرد اۆتونوميالى ايماعىنىڭ تاۋەلسىزدىك تالابىنا تۇسىنىستىكپەن قارايتىنىن، الايدا مۇنداي رەفەرەندۋمنىڭ مىندەتتى ەمەستىگىن جەتكىزگەن. بۇل تۋرالى قىتايلىق «شينلاڭ» اقپاراتتىق اگەنتتىگىنىڭ سايتى حابارلاپ وتىر.

اقش-تىڭ مەملەكەتتىك دەپارتامەنتىنىڭ وكىلى حيزەر نوۋلتە 8 ماۋسىم حابارلاما جاريالاپ: «اقش يراكتىڭ ءبىر تۇتاس ءبىر ەل بولۋىن قولدايدى. وداقتاس، ۇلتتىق تۇراقتىلىق پەن دەموكراتيا تۇرعىسىندا كۇرد اۆتونوميالى ايماعىنىڭ بۇل تالابىنا تۇسىنىستىكپەن قارايمىز»، – دەگەن پىكىرىن ءبىلدىردى. الايدا، اقش بۇل رەفەرەندۋم جاريالاۋ ءىسى وڭىردە جانجالداردىڭ تۋىلۋىنا مۇرىندىق بولاما دەپ الاڭداۋلى. ول ءۇشىن اعىمداعى كەيبىر وزەكتى ىستەردىڭ كەرى اسەرىن ەسكەرمەي بولمايدى دەپ قارايدى. ايتالىق، «يسلام مەملەكەتى» تەررورلىق ۇيىمى رەفەرەندۋم ناتيجەسىن كۇشتەپ الىپ الۋى مۇمكىن دەپ الاڭدايدى.

حيزەر سوزىندە: «رەفەرەندۋم بۇنىمەن قوسا الەۋمەتتىك تۇراقسىزدىق پەن ەكونوميكالىق داعدارىستىڭ تۋىلۋىنا اپارىپ سوعۋى مۇمكىن. سوندىقتان دا، كۇرد اۆتونومياسىنىڭ يراكپەن بولعان ىنتىماقتاستىقتى ساقتاۋعا تىرىسۋى كەرەك»، – دەدى اقش اتىنان.

“The Qazaq Times”