Tayau Şığıstağı kürdterdiñ ornalasuı. Foto; noravank.am-

Iraktıñ Kürd avtonomiyalı oblısı ükimeti 7 mausım küni täuelsizdik turalı referendum jariya etti. Referendum qortındısı osı jıldıñ 25 qırküyeginde belgili bolmaq. Bir künnen keyingi reseylik resmi aqparat közderiniñ habarlauınşa, AQŞ memlekettik departamenti bwl iske jauap berip, Qwrama Ştat tarapınıñ Kürd Avtonomiyalı aymağınıñ täuelsizdik talabına tüsinistikpen qaraytının, alayda mwnday referendumnıñ mindetti emestigin jetkizgen. Bwl turalı qıtaylıq «Şinlañ» aqparattıq agenttiginiñ saytı habarlap otır.

AQŞ-tıñ memlekettik departamentiniñ ökili Hizer Noul'te 8 mausım habarlama jariyalap: «AQŞ Iraktıñ bir twtas bir el boluın qoldaydı. Odaqtas, wlttıq twraqtılıq pen demokratiya twrğısında Kürd avtonomiyalı aymağınıñ bwl talabına tüsinistikpen qaraymız», – degen pikirin bildirdi. Alayda, AQŞ bwl referendum jariyalau isi öñirde janjaldardıñ tuıluına mwrındıq bolama dep alañdaulı. Ol üşin ağımdağı keybir özekti isterdiñ keri äserin eskermey bolmaydı dep qaraydı. Aytalıq, «Islam memleketi» terrorlıq wyımı referendum nätijesin küştep alıp aluı mümkin dep alañdaydı.

Hizer sözinde: «Referendum bwnımen qosa äleumettik twraqsızdıq pen ekonomikalıq dağdarıstıñ tuıluına aparıp soğuı mümkin. Sondıqtan da, Kürd avtonomiyasınıñ Irakpen bolğan ıntımaqtastıqtı saqtauğa tırısuı kerek», – dedi AQŞ atınan.

“The Qazaq Times”