اقش ءوزىنىڭ اسكەري ارنايى جاساقتارىمەن ماقتانۋدى جاقسى كورەدى. الايدا امەريكالىقتار ولاردىڭ كەمشىلىكتەرى جايىندا ايتقىلارى كەلمەيدى دەيدى National Interest اقپارات كوزى.

وسىعان بايلانىستى National Interest اقش ارنايى جاساعىنىڭ بەس ەڭ ءساتسىز وپەراتسياسىنا توقتالادى.

«اتتول ماكيندەگى رەيد» وپەراتسياسى.

1942 جىلى امەريكانىڭ اسكەري تەڭىز كۇشتەرىنىڭ 222 ادامنان تۇراتىن ارنايى جاساعى جاپون ارالدارىنا كەلىپ تۇسىرىلەدى. ولاردىڭ ميسسياسى جاپونيا ۇكىمەتىنىڭ ستراتەگيالىق ماڭىزى بار نىساندارىنىڭ كوزىن قۇرتۋ. سول ارقىلى جاپون اسكەرىنىڭ السىزدىگىن الەم جۇرتشىلىعىنا دالەلدەۋ بولعان. الايدا اقش ارنايى جاساعى جاپونيا تاراپىنان كۇتپەگەن قارۋلى قارسىلىققا تاپ بولىپ، سالدارىنان 30 ساربازىنان ايىرىلىپ، جاپونيا اۋماعىنان ارەڭ قاشىپ شىققان.

«سولتۇستىك كورەيا 205 بيىكتىگى» وپەراتسياسى.

1950 جىلى 25 قاراشا كۇنى اقش ارنايى جاساعى سولتۇستىك كورەيانىڭ چحونچيحونگان وزەنىنىڭ بويىنداعى 205 بيىكتىكتى الۋلارى كەرەك بولعان. الايدا ولار سول ۋاقىتتا سولتۇستىك كورەياعى قىتايدىڭ قالىڭ اسكەرى كىرگىزىلگەنىن جانە ولاردىڭ قارسى شابۋىلعا شىققالى جاتقاندىعىن بىلمەگەن. ناتيجەسىندە وپەراتسيانى ورىنداۋعا جىبەرىلگەن 87 سابرازدىڭ 21 عانا ءتىرى قالعان.

«تەگەراننان كەتۋ» وپەراتسياسى.

1979 جىلى تەگەرانداعى اقش ەلشىلىگىنە جاسالعان شابۋىلدان كەيىن،  ونداعان امەريكالىق ديپلوماتتار قاماۋدا قالعان ەدى. وسىعان بايلانىستى اقش ارنايى جاساعىنا ديپلوماتتاردى يراننان الىپ شىعۋعا تاپسىرما بەرىلگەن بولاتىن. بىراق وپەراتسيا بارسىندا اقش اسكەرىنىڭ ءبىر تىكۇشاعى ۇشاق تاسمالداعىش كەمەدەن كوتەرىلگەن بەتتە قۇلاعان. ال ەندى ءبىر تىكۇشاعى بەلگىلەنگەن جەردى تاپپاي اداسىپ كەتكەن. ءۇشىنشى تىكۇشاعى شاسسي ماڭىنا قونعان. اداسىپ كەتكەن اقش ارنايى جاساعى بەيبىت تۇرعىندار مىنگەن اۆتوبۋستى باسىپ الىپ، كوشەدە كەتىپ بارا جاتقان جانارماي تاسمالدايتىن كولىكتى جارىپ جىبەرگەن. وپەراتسيا جايىندا يران اسكەريلەرىنە بەلگىلى بولىپ قالعانان كەيىن، اقش ارنايى جاساعىنىڭ تىكۇشاعى كەرى قايتپاق بولعاندا جانارماي قۇياتىن ۇشاقپەن سوقتىعىسىپ، سەگىز ادام كوز جۇمعان.

گرەناداعى «قاھار جارقىلى» وپەراتسياسى.

اقش ارنايى جاساعى گرەنادا بيلىگىن نە ءبارى ءۇش كۇن ىشىندە تاقتان تايدىرعانىمەن، وسى ءۇش كۇن ىشىندە امەريكا ارناي جاساعى كوپتەگەن كەدەرگىلەرگە تاپ بولعان. اقش اسكەريلەرىنىڭ گرەناداداعى اۋا رايىن ەسكەرمەۋى سالدارىنان ارنايى جاساقتىڭ ءۇش ساربازى سۋعا باتىپ كەتكەن. بۇدان بولەك ريچموند-حيلل تۇرمەسىنە شابۋىل جاساۋ بارىسىندا ءۇش بىردەي تىكۇشاعى قۇلاپ، ناتيجەسىندە ءۇش ادام كوز جۇمعان.

«موگاديشو» وپەراتسياسى.

1993 جىلى ساموليدە بولعان ازامات سوعىسىنا اقش گۋمانيتارلىق ميسسيانى سىلتاۋراتىپ ارالاسقان بولاتىن. كەيىنەن بۇل ۇلكەن كولەمدەگى اسكەري وپەراتسياعا ۇلاسىپ، «سومالي ۇلتتىق اليانسىنىڭ» ەكى بىردەي باسشىسىن قولعا ءتۇسىرۋ ماقساتىندا «موگاديشو» وپەراتسياسى ىسكە قوسىلعان ەدى. اسكەري وپەراتسيانى ورىنداۋ بارسىندا اقش اۋە كۇشتەرىنىڭ ەكى تىكۇشاعى قۇلاپ، ارنايى جاساق بەلگىلەنگەن جەرگە جەتە الماي قالعان. سالدارىنان  19 ارنايى جاساق ساربازى كوز جۇمعان.

“The Qazaq Times”