foto: Zakon.kz

Eki künde 120 mıñ qol jinağan ümitker kandidat retinde tirkeldi.

«Auıl» partiyası atınan prezidenttik saylauğa qatısıp jatqan Töleutay Raqımbekov  6 mamır küni kandidet retinde tirkeldi. Ortalıq saylau komissiyası Raqımbekovtıñ saylau aldı ştabı jinağan 122 309 qoldıñ 120 754-in jaramdı dep tanığan.

Ümitkerdiñ özi qol jinau nauqanına baylanıstı:

«Bizdiñ partiyanıñ 320 mıñ müşesi bar. Sondıqtan qol jinau qiın bolğan joq. Mamır ayınıñ 1-i men 2-i aralığında qol jinap, 3-i küni dayın boldı» - dedi.

Qazaqstanda kezekten tıs prezident saylauı 9 mausımda ötedi. Kandidattardı tirkeu mamır ayınıñ 11-i küni ayaqtaladı. Qazirge deyin prezidenttikke ümitker retinde jeti adam öz kandidaturaların wsınğan. Atap aytqanda:

«Wlt tağdırı» qozğalısı – Ämirjan Qosanov.

«Nwr Otan» partiyası – Qasım-Jomart Toqaev.

Qazaqstan käsipodaqtar federaciyası – Amangeldi Taspihov.

«Aq jol» partiyası – Daniya Espaeva.

«Wlı dala qırandarı» qozğalısı – Sädibek Tügel.

«Auıl» partiyası – Töleutay Raqımbekov.

Qazaqstan kommunistik halıq partiyası – Jambıl Ahmetbekov.

"The Qazaq Times"