«Nwr Otan, töl merekeñ qwttı bolsın». Almatıda jalğız adamdıq piket ötti

1 säuir belsendi Besjan Kümisbektegi «Nwr Otan» partiyası Almatı qalalıq filialınıñ ğimaratına barıp, jalğız adamdıq piket ötkizdi. Ol qolına wstap şıqqan plakatta «Nwr Otan,  töl merekeñ qwttı bolsın!» degen jazu bar.

Belsendi partiya ğimaratına kirip,  piketti ädeyi «1 cäuir — külki künine» oray wyımdastırğanın ayttı. Onıñ sözinşe,  1 säuir — «Nwr Otan» partiyasınıñ töl merekesi.

— Qazaqstanda mereke köp qoy. Bügin, 1 säuir ötken sovet kezeñinde külki, aldau küni bolğan eken. «Pervıy aprel' nikomu ne ver'» deydi. Al biz qazir kimge aldanıp jürmiz? Bilikti iemdenip alıp, halıqtı aldap, tonap otırğan bilik basındağılar. Olardıñ köşbasşısı — «Nwr Otan». Sondıqtan da bügingi kündi «Nwr Otannıñ» töl merekesi dep esepteymin. Olar renjimesin, qalğan 365 kün de solardıñ merekesi. Qazaqstanda ne jasalsa da, «Nwr Otannıñ» wranımen jasaladı. Mısalı Pavlodarda soñğı altı äkimniñ törteui sottaldı. Olardıñ bäri nwrotandıq. Bwlar qılmıskerlerdi jasauşı jäne sırtqa wrılardı eksporttauşı partiya, — dedi Besjan Kümisbektegi partiya ğimaratınıñ işinde.

Ol sodan keyin «ğimarat aldınan ötip jatqan adamdar plakattağı jazudı körsin, olarğa bwl partiyanıñ qanday ekenin aytayın» dep sırtqa şıqtı.  Sol kezde özin Almatı äkimdiginiñ ökilimin tanıstırğan adam belsendige «Bwl äreketiñiz zañğa qayşı, toqtatuıñızdı talap etemiz» dep eskertu jasap, ğimarat işine kirip ketti.

Belsendi Besjan Kümisbektegi äkimdik ökiline piketke ne sebepti şıqqanın aytıp jatır. Almatı.  2021 jıl 1 cäuir  Foto: QT / Miyat Käşibay

Al Besjan Kümisbektegi äkimdik ökiliniñ eskertuine öz uäjin ayttı.

— Men Qazaqstan azamatı retinde öz qarsılığımdı bildiru üşin bireuden rwqsat swrauğa mindettimin dep eseptemeymin. Öytkeni meniñ narazılığım bilikke, basşılarğa. Olardan rwqsat swrap ne qajeti bar? Olarğa meniñ narazılığım tiimsiz bolğandıqtan, rwqsat bermeytini belgili ğoy, — dedi belsendi.

Mwnan keyin partiya ökili şığıp, belsendiden qanday talabı barın swrap, ğimarat işine kirip söylesuge şaqırdı. Öz kezeginde Kümisbektegi «Meniñ sizderge talabım joq. Bügin sizderdiñ merekeleriñiz ekenin aytuğa kelgenmin. Ğimarat işine kirmeymin, aulada jürgen adamdar meniñ plakatımdı körsin. Merekeleriñiz qwttı bolsın» dedi.

Belsendi Besjan Kümisbektegimen tildesuge tırısqan ekinşi şeneunik. Almatı. 2021 jıl 1 cäuir  Foto: QT / Miyat Käşibay

Belsendi plakatın wstap partiya ğimaratınıñ sırtında jartı sağattay jürip, öz akciyasın ayaqtadı. Ol sol mañnan ötip jatqan adamdarğa «Bügin — Nwr Otannıñ merekesi, bile jüriñizder» dedi. Adamdar jımiıp ötip kete berdi. «Dwrıs, dwrıs»  degender de boldı.

27 jastağı Besjan Kümisbektegi — bilikke qarsı narzılıq akciyalarına jii şığatın belsendilerdiñ biri. Ol bwğan deyin de birneşe ret jalğız adamdıq piket ötkizgen. 2019, 2020 jıldarı "Beybit jiın ötkizu tärtbin bwzdı" degen ayıppen birneşe märte äkimşilik jazağa tartılğan.

1 cäuir bwrınğı sovet elderinde jäne älemniñ keybir memleketterinde beyresmi türde külki küni sanaladı. Bwl küni adamdar bir-birin aldap, äzildesedi.

«Nwr Otan» — 1999 jılı Qazaqstannıñ sol kezdegi prezidenti Nwrswltan Nazarbaevtıñ bastamasımen qwrılğan partiya. Bwl sayasi wyım özin  halıqtıq, demokratiyalıq partiya retinde däripteydi. Alayda elde oğan qarsılar köp. Qwrılğanda «Otan» partiyası dep atalğan wyım 2006 jılı Nazarbaevtıñ esiminiñ alğaşqı buının qosıp, «Nwr Otan» atandı. Qazaqstandı 30 jılğa juıq üzdiksiz bilep, 2019 jılı prezidenttikten ketken Nazarbaev äli de partiyanı özi basqarıp otır.

"The Qazaq Times"