Foto: Progomel.by

Naurız ayınıñ 19-ı küni Qazaqstannıñ twñğış prezidenti Nwrswltan Nazarbaev öziniñ otstavkağa ketetindigin mälimdedi. Osığan baylanıstı biz azamattıq belsendiler men sayasattanuşılardıñ pikirin biludi jön kördik.

Ermwrat Bapi, jurnalist, sayasatker: «Eşkim, eşqayda ketken joq. Nazarbaev bilikte qaldı jäne Qazaqstandağı barlıq biliktiñ tizginin uısında wstap qaldı. Ol bıltırğı jılı Qauipsizdik Keñesi turalı zañdarğa engizilgen özgertulerdiñ negizinde Qazaqstandağı barlıq sayasi bilikti qolında wstap otır. Al Toqaevqa tek qana prezident degen lauazım bwyırdı. Toqaev «toqal tekeniñ» jağdayında qaldı. Onıñ qolında eşqanday bilik joq. Ol tek qana prezidenttik lauazımda otıradı. Oğan Qazaqstannıñ Qarulı küşteri, İİM, WQK, Prokuratura siyaqtı qüştik qwrılımdarı bağınbaydı. Onıñ barlığı Qauipsizdik Keñesiniñ törağası Nwrswltan Nazarbaevqa bağınadı. Bügin ğana «policiyada attestaciya jürgizu» jöninde zañ jobası şıqtı. Oğan «Qazaqstannıñ twñğış prezidenti N. Nazarbaev» - dep qol qoydı. YAğni bwnıñ barlığı tek qana dekaraciya ğana. Bilik sol küyinde Nazarbaevtıñ qolında qaldı. Eşqanday özgeris joq. Bwl jerde dätke quat bir ğana dünie bar. Bwl bilik tranzitiniñ bastalğandığınıñ belgisi. Bwğan deyin biz «trenzit äne  bastaladı, mine bastaladı» dep jür edik. Endi naqtı bastaldı. Señ qozğaldı. Osı ğana dätke quat. Kelesi jılı bola ma, merziminen bwrın bola ma prezident saylauı boladı. Zañ boyınşa, ol saylauğa Nazarbaevtıñ qatısuğa qwqığı bar. Sondıqtan "börkimizdi aspanğa atıp, keremet özgeris bastaldı" deytin eşteñe joq bwl jerde. Biraq men oylamaymın, ol qaytadan saylauğa qatısadı dep. Ol öziniñ ümitkerin, izbasarın qatıstaradı. Qazirgi qolında bar biliktiñ küşimen sol izbasarın prezidenttikke ötkizuge tırısadı. Bwl jerde eñ bastısı eldegi bilikti saqtap qaladı jäne öziniñ jiğan-tergen milliardtağan baylıqtarın saqtap qaluğa tırısadı».

Dos Köşim, sayasattanuşı: «Eger ol Nwr Otan partiyasınıñ basşısı bolsa, Qauipsizdik Keñesiniñ basşısı bolsa, ol sayasatta da bilikte de qaladı. Biraq ol prezident esebinde osıdan keyingi bolatın närselerge jauap bermeydi... Kelesi prezidenttiñ belgili bir sayasi twlğa retinde öziniñ közqarası bar adam bolsa, Nazarbaevtıñ qasında bwrın bolmağan adam bolsa, ärine onda ol öziniñ sayasatın jürgizedi. Biraq onday adamdı saylauğa tüsirmeuge tırısadı. Meniñ oyımşa, Toqaevtıñ özi de tüsui mümkin nemese özderiniñ dayındap qoyğan ümitkerlerin ötkizedi de bilik öziniñ osı jüyesin, bağıtın saqtap qaluğa tırısadı».

Aydos Sarım, sayasattanuşı: «Keşegi mälimdemesin mwqiyat oqitın bolsaq, prezidenttiñ Qazaqstannıñ sayasi-qoğamdıq ömirinde qalatındığı jäne oğan şeşuşi ıqpal etetin sayasi institutqa aynalatını ayqın körinip otır. Bwl şınımen de ülken tarihi şeşim. Qalay bolğanda da biz jaña sayasi kezeñge ayaq bastıq. Bwl sayasi kezeñniñ qanşağa sozılatının döp basıp aytu qiın. Biraq biz aşıq sayasi trnazit degenge jettik. Onıñ qalay bolatının közimizben köretin bolamız».

 

"The Qazaq Times"