QR prezidenti Nwrswltan Nazarbaev.

Nwrswltan Nazarbaev qazaqstandıqtardıñ «keñestik» oylau jüyesin qalay özgertkenin ayttı.

Nazarbaevtıñ sözinşe, Keñes odağı twsında halıq jappay paternalizm ruhında ömir sürgen jäne barlığın memlekettiñ aytqanı boyınşa istep kelgen.

«Ömirge kelesiñ, memleket seni balabaqşa men mektepke alıp baradı. Odan keyin pioner, komsomol, kommunist bolıp universitetke tüsesiñ. Sodan jwmısqa ornalastıradı. Osılay ölgenge deyin boladı. Biz osığan üyrenip qaldıq. Biraq jaña zaman azamattardıñ bwlay oylauın özgertudi talap etti. Sol sebepti mağan jaña memleket qwruda eñ qiını adamdardıñ psihologiyasın özgertu boldı. Biz paternalizmnen ketip baramız. Özge emes, ärkim özi üşin jwmıs istep, otbasına özi jauaptı boluı tiis. Qazir Qazaqstanda barlığı bar. Tek aqşa ğana qajet. Onı tabu üşin jwmıs isteu kerek» - dep mälimdedi Nazarbaev Vİİİ Azamattıq forumda söylegen sözinde.

Esteriñizge salayıq, osıdan biraz uaqıt bwrın Qazaqstan Kommunistik partiyasınıñ wyımdastıruımen «Komsomoldıñ 100 jıldıq» mereytoyı atap ötilgen. Oğan qazir bilik basında jürgen Quanış Swltanov, Imanğali Tasmağambetov, Birğanım Äytimova siyaqtı atqaminerler qatısıp, bir-birine «şapan kigizip, medal' taqqan». Jalpı, Qazaqstanda «keñestik» oylau jüyesinen kimniñ qay uaqıtta arılğanı bizge beymälim. Biraq bilik basında jürgen «eks-komsomoldardıñ» odan äli arıla almay jürgendigi anıq.

"The Qazaq Times"