قر پرەزيدەنتى نۇرسۇلتان نازارباەۆ.

نۇرسۇلتان نازارباەۆ قازاقستاندىقتاردىڭ «كەڭەستىك» ويلاۋ جۇيەسىن قالاي وزگەرتكەنىن ايتتى.

نازارباەۆتىڭ سوزىنشە، كەڭەس وداعى تۇسىندا حالىق جاپپاي پاتەرناليزم رۋحىندا ءومىر سۇرگەن جانە بارلىعىن مەملەكەتتىڭ ايتقانى بويىنشا ىستەپ كەلگەن.

«ومىرگە كەلەسىڭ، مەملەكەت سەنى بالاباقشا مەن مەكتەپكە الىپ بارادى. ودان كەيىن پيونەر، كومسومول، كوممۋنيست بولىپ ۋنيۆەرسيتەتكە تۇسەسىڭ. سودان جۇمىسقا ورنالاستىرادى. وسىلاي ولگەنگە دەيىن بولادى. ءبىز وسىعان ۇيرەنىپ قالدىق. بىراق جاڭا زامان ازاماتتاردىڭ بۇلاي ويلاۋىن وزگەرتۋدى تالاپ ەتتى. سول سەبەپتى ماعان جاڭا مەملەكەت قۇرۋدا ەڭ قيىنى ادامداردىڭ پسيحولوگياسىن وزگەرتۋ بولدى. ءبىز پاتەرناليزمنەن كەتىپ بارامىز. وزگە ەمەس، اركىم ءوزى ءۇشىن جۇمىس ىستەپ، وتباسىنا ءوزى جاۋاپتى بولۋى ءتيىس. قازىر قازاقستاندا بارلىعى بار. تەك اقشا عانا قاجەت. ونى تابۋ ءۇشىن جۇمىس ىستەۋ كەرەك» - دەپ مالىمدەدى نازارباەۆ ءVىىى ازاماتتىق فورۋمدا سويلەگەن سوزىندە.

ەستەرىڭىزگە سالايىق، وسىدان ءبىراز ۋاقىت بۇرىن قازاقستان كوممۋنيستىك پارتياسىنىڭ ۇيىمداستىرۋىمەن «كومسومولدىڭ 100 جىلدىق» مەرەيتويى اتاپ وتىلگەن. وعان قازىر بيلىك باسىندا جۇرگەن قۋانىش سۇلتانوۆ، يمانعالي تاسماعامبەتوۆ، بىرعانىم ءايتىموۆا سياقتى اتقامىنەرلەر قاتىسىپ، ءبىر-بىرىنە «شاپان كيگىزىپ، مەدال تاققان». جالپى، قازاقستاندا «كەڭەستىك» ويلاۋ جۇيەسىنەن كىمنىڭ قاي ۋاقىتتا ارىلعانى بىزگە بەيمالىم. بىراق بيلىك باسىندا جۇرگەن «ەكس-كومسومولداردىڭ» ودان ءالى ارىلا الماي جۇرگەندىگى انىق.

"The Qazaq Times"