Foto: RIA Novosti.

«Islam memleketi» lañkestik wyımı twtqında bolğan eki reseylik sarbazdı öltirdi – dep habarlaydı korrespondent.net aqparat közi RF deputatı Viktor Vodolackiyge silteme jasap.

Viktor Vodolackiydiñ sözinşe, «Islam memleketi» sodırları twtqınğa tüsken reseylik sarbazdar Roman Zabolotnıy men Grigoriy Curkanovtı kamera aldında islam dinin qabıldaudan jäne terrorlıq wyım qatarına kiruden  bas tartqanı üşin öltirgen. Alayda Vodolackiy bwl aqparattı qaydan alğandığı jayında eşnärse aytpağan. Biraq BAQ ökilderine aqparattıñ 99 payız ras ekenine kepildik beretindigin mälimdegen.

Esteriñizge salayıq, qazan ayınıñ 4-i küni «Islam memleketi» lañkestik wyımına tiesili "Amaq" aqparat agenttigi twtqınğa tüsken reseylik sarbazdar beynelengen videorolik jariyalağan bolatın. Onda Roman Zabolotnıy jäne Grigoriy Curkanov esimdi eki azamat özderiniñ qırküyek ayınıñ 22-si küni Deyr-ez-Zor qalası mañında wstalğandıqtarı jayında aytqan. Biraq Resey Qorğanıs ministrligi baspasöz qızmeti «Islam memleketi» taratqan bwl aqparattıñ jalğan ekendigin aytıp, Süriyadağı reseylik sarbazdardıñ barlığı özine jüktelgen mindetterdi atqarıp jür dep mälimdegen. Keyinnen «Domodedov jauıngerler bauırlastığı» wyımı lañkester jariyalağan videorolikte reseylik sarbaz Grigoriy Curkanov beynelengenin rastağan bolatın.

“The Qazaq Times”