فوتو: ريا نوۆوستي.

«يسلام مەملەكەتى» لاڭكەستىك ۇيىمى تۇتقىندا بولعان ەكى رەسەيلىك ساربازدى ءولتىردى – دەپ حابارلايدى korrespondent.net اقپارات كوزى رف دەپۋتاتى ۆيكتور ۆودولاتسكيگە سىلتەمە جاساپ.

ۆيكتور ۆودولاتسكيدىڭ سوزىنشە، «يسلام مەملەكەتى» سودىرلارى تۇتقىنعا تۇسكەن رەسەيلىك ساربازدار رومان زابولوتنىي مەن گريگوري تسۋركانوۆتى كامەرا الدىندا يسلام ءدىنىن قابىلداۋدان جانە تەررورلىق ۇيىم قاتارىنا كىرۋدەن  باس تارتقانى ءۇشىن ولتىرگەن. الايدا ۆودولاتسكي بۇل اقپاراتتى قايدان العاندىعى جايىندا ەشنارسە ايتپاعان. بىراق باق وكىلدەرىنە اقپاراتتىڭ 99 پايىز راس ەكەنىنە كەپىلدىك بەرەتىندىگىن مالىمدەگەن.

ەستەرىڭىزگە سالايىق، قازان ايىنىڭ 4-ءى كۇنى «يسلام مەملەكەتى» لاڭكەستىك ۇيىمىنا تيەسىلى "Amaq" اقپارات اگەنتتىگى تۇتقىنعا تۇسكەن رەسەيلىك ساربازدار بەينەلەنگەن ۆيدەوروليك جاريالاعان بولاتىن. وندا رومان زابولوتنىي جانە گريگوري تسۋركانوۆ ەسىمدى ەكى ازامات وزدەرىنىڭ قىركۇيەك ايىنىڭ 22-ءسى كۇنى دەير-ەز-زور قالاسى ماڭىندا ۇستالعاندىقتارى جايىندا ايتقان. بىراق رەسەي قورعانىس مينيسترلىگى ءباسپاسوز قىزمەتى «يسلام مەملەكەتى» تاراتقان بۇل اقپاراتتىڭ جالعان ەكەندىگىن ايتىپ، سۇرياداعى رەسەيلىك ساربازداردىڭ بارلىعى وزىنە جۇكتەلگەن مىندەتتەردى اتقارىپ ءجۇر دەپ مالىمدەگەن. كەيىننەن «دومودەدوۆ جاۋىنگەرلەر باۋىرلاستىعى» ۇيىمى لاڭكەستەر جاريالاعان ۆيدەوروليكتە رەسەيلىك سارباز گريگوري تسۋركانوۆ بەينەلەنگەنىن راستاعان بولاتىن.

“The Qazaq Times”