AQŞ Prezidenti Donal'd Tramp. Foto: AP Photo / Andrew Harnik

Nwrswltan Nazarbaev Amerika Qwrama Ştattarınıñ Prezidenti Donal'd Tramppen telefon arqılı söylesti, dep habarlaydı Aqordanıñ baspasöz qızmeti. 

Äñgimelesu barısında Donal'd Tramp Qazaqstan Prezidentin Astanadağı «EXPO-2017» halıqaralıq körmesiniñ tabıstı ötuimen qwttıqtap, Amerika delegaciyasınıñ osı is-şarağa qatısuınıñ nätijelerin joğarı bağalağan.

Memleket basşısı Nwrswltan Nazarbaev Tehas ştatındağı ondağan adamnıñ ömirin qiğan tabiğat apatına baylanıstı köñil aytıp, zardap şekken audandardağı infraqwrılımnıñ tezirek qalpına keluine jäne jergilikti halıqtıñ qalıptı tirşilikke qayta oraluına tilektestigin bildirdi.

Aqordanıñ mälimetinşe, eki el basşıları biılğı 21 mamırda Er-Riyadta ötken «Islam älemi – AQŞ» sammiti ayasındağı alğaşqı kezdesudiñ Astana men Uaşington arasındağı ıntımaqtastıqtı nığaytu isindegi mañızdılığın atap ötti.

Prezidentter Qazaqstan men Amerika qarım-qatınasınıñ jağdayın jäne onıñ damu perspektivaların talqıladı. Bwl rette taraptar ekijaqtı sauda-ekonomika salasındağı özara is-qimıldı nığaytu turalı uağdalasqan.

Prezidentter öñirlik jäne halıqaralıq kün tärtibindegi özekti mäseleler jöninde pikir almastı. Nwrswltan Nazarbaev Qazaqstanda biılğı 29 tamızda jwmısın bastağan Tömen bayıtılğan uran bankiniñ jahandıq qauipsizdikti nığaytudağı mañızdılığına nazar audardı.

Eki el köşbasşıları Amerika-Resey qarım-qatınastarınıñ jağdayına jeke toqtaldı. Qazaqstan Prezidenti Uaşington men Mäskeu arasındağı dialogtıñ jaqsaratınına senim bildirdi.

Donal'd Tramp Nwrswltan Nazarbaevtı Uaşingtonğa resmi saparmen keluge şaqırdı.

Memleketter basşıları äñgime soñında eki jaqtıñ da müddeli bolatın mäseleleri jönindegi twraqtı dialogtı qoldauğa nietti ekendikterin bildirdi.

Telefon arqılı söylesuge AQŞ jaq bastamaşı bolğan.

“The Qazaq Times”