Foto: Forbes

«Qazaq Banki» AQ 2017 jılğı bankti kapitaldandıru jönindegi josparınıñ ayasında jalpı soması 3,2 mlrd teñge somasına 3 200 000 dana qarapayım akciyalardı ornalastırdı. Nätijesinde Banktiñ jarğılıq kapitalı 38,7 mlrd teñgege arttı. Bwl turalı banktiñ baspasöz qızmeti habarladı.

Banktiñ mälimetinşe, derbes kapitalı säykesinşe, 45,3 mlrd teñgege deyin östi.

Jarğılıq kapitaldıñ kezekti toltırıluı josparlı üderis jäne akcionerlerdiñ banktiñ odan äri twraqtı ösui üşin jäne qarjı twraqtılığın qamtamasız etu üşin barınşa qoldauğa dayın ekenin körsetedi.

Al bwdan bwrın 2017 jıldıñ şildesinde banktiñ jarğılıq kapitalı akcionerlermen 2,2 mlrd teñgege toltırılğan.

2017 jılğı 1 tamızdağı jağday boyınşa banktiñ aktivteri 434 mlrd teñgeni qwradı, onıñ işinde, nesie portfeli 334 mlrd teñgege jetti. Mindettemeler - 392 mlrd teñge. Banktiñ derbes kapitalı 42 mlrd teñgeni, onıñ işinde jarğılıq kapital 36 mlrd teñge boldı. Qarjı nätijesi 2017 jıldıñ 7 ayında 806 mln teñge köleminde qwrılğan.

Ayta keteyik, keşe  «Qazaq Banki» AQ-men birigu josparın qwrıp jatqan «Bank RBK» AQ akcioneri Vladimir Kimniñ qarjı institutınıñ jarğılıq kapitalın toltıru üşin 20 mrld teñge jwmsaytını turalı habarlanğan bolatın. Banktiñ mälimetine qarağanda, kapitaldandıru turalı şeşim Wlttıq Bank äzirlegen bank sektorınıñ qarjılıq twraqtılığın arttıru bağdarlamasına qatısu maqsatında qabıldanğan.

Al bankterdiñ bwlay  jarğılıq kapitalın köbeyte bastauı Wlttıq banktiñ sauıqtıru bağdarlaması boyınşa bölinetin qarjısın qalay bolsa da iemdenip qaluğa nietti ekenderin bildiretin siyaqtı.

“The Qazaq Times”