Foto: ISED

Norvegiyanıñ zeynetaqı qorı (mwnay tabısına baylanıstı qwrılğan täuelsiz investiciyalıq qor) 2017 jıldıñ birinşi jartı jıldığında öziniñ aktivteriniñ qwnın 499 mlrd kronğa deyin arttırğan. Dollar ekvivalenti boyınşa şamamen 63 mlrd dollardı qwraydı. Al bwl nätije investiciyalıq qor tarihındağı eñ üzdik körsetkiş.

Norges Bank Investment Management basşısınıñ orınbasarınıñ aytuınşa, mwnday rekordtıq körsetkiştegi kiris qordağı jinalğan qarjınıñ köp boluımen baylanıstı. Osı jıldıñ ekinşi toqsanında qordıñ aktivteriniñ jalpı qwnı 8 trln kron nemese 1 trln dollardan asqan. Osı uaqıtta qordıñ barlıq qarjısınıñ 65,1%-ı akciyalarğa, 32,4%-ı obligaciyalarğa, qalğan 2,5%-ı jıljımaytın mülikke salınğan.

Norvegiya Ükimeti jartı jılda qordıñ qarjısınan 40 mlrd kron alğan. Qazirgi kezde eldiñ memlekettik zeynetaqı qorınıñ aktivteriniñ jalpı qwnı 7,7 trln kronğa (972 mlrd dollar) bağalanıp otır. Osılayşa ärbir norvegiyalıqtıñ zeynetaqısı ortaşa eseppen 181 mıñ dollar boladı.

Ayta keteyik, Qazaqstannıñ da zeynetaqı qarjısı da basqa elderdiñ problemalı bankteriniñ obligaciyaların satıp aluğa jwmsalğan. Osığan qatıstı dau da tuındadı. Äzerbayjannıñ halıqaralıq bankine salınğan 71,3 mlrd teñgege qatıstı Wlttıq bank törağası Daniyar Aqışev "onı bas banktiñ bwrınğı qızmetkerleri salğan" dep mälimdedi.

“The Qazaq Times”