2020 jıldıñ 1 qañtarınan bastap äyelderdiñ zeynet jası 59,5 jasqa deyin wlğaydı. Sebebi, birneşe jıl bwrın qabıldanğan zañ boyınşa olardıñ zeynet jası jıl sayın jartı jıldan ösip otıradı. Bwl turalı BJZQ habarladı.

Osılayşa 2027 jılı qazaqstandağı äyelder de 63 jasında öziniñ jwmıs jolın tolığımen ayaqtamaq.  Mwnday özgeris qazirgi tañda 1960 pen 1964 jıldar aralığında tuğan qazaqstandıq azamatşalarğa qatıstı.

BJZQ taratqan mälimdemede: «2020 jıldıñ 1 qañtarınan bastap äyelder «Qazaqstan Respublikasında zeynetaqımen qamsızdandıru turalı» Zañnıñ 11-babınıñ 1 tarmağına säykes zeynetkerlikke 59,5 jasqa tolğanda şığadı. 2027 jılı 63 jasqa jetkenge deyin jıl sayın 6 ayğa wzartılıp otıradı», — deydi.

«Eximar» forsayting agenttiginiñ direktorı Ayman Twrsınhan öziniñ zeynetaqı qorı turalı oyınıñ mülde basqaşa ekendigin aytqan edi. Ol sözinde: «Zeynetaqı qorındağı qarjı qaupi tım joğarı obligaciyalarğa, qwldıraudıñ aldında twrğan bankterge jäne byudjet deficitin jamauğa jwmsaladı. Salımşılardıñ qarjısı jwmıs istemeydi. Qordan aqşa alatındar sanı bes jıldan beri ösip keledi. 2015 jılğa deyin zeynetaqı qorı salımdardı jinap kelse, endi jıl sayın qarjınıñ 30%-ın jwmsaytın boldı. Jaña salımşılardıñ kelui bäseñ. Bwl tayau bes jılda BJZQ-nıñ aqşasınıñ tausıluına äkep soğadı», — dep mälimdegen bolatın.

"The Qazaq Times"