نورۆەگيادا زەينەتاقى قورىنىڭ قارجىسى رەكتوردتىق سوماعا جەتتى

نورۆەگيانىڭ زەينەتاقى قورى (مۇناي تابىسىنا بايلانىستى قۇرىلعان تاۋەلسىز ينۆەستيتسيالىق قور) 2017 جىلدىڭ ءبىرىنشى جارتى جىلدىعىندا ءوزىنىڭ اكتيۆتەرىنىڭ قۇنىن 499 ملرد كرونعا دەيىن ارتتىرعان. دوللار ەكۆيۆالەنتى بويىنشا شامامەن 63 ملرد دوللاردى قۇرايدى. ال بۇل ناتيجە ينۆەستيتسيالىق قور تاريحىنداعى ەڭ ۇزدىك كورسەتكىش.

Norges Bank Investment Management باسشىسىنىڭ ورىنباسارىنىڭ ايتۋىنشا، مۇنداي رەكوردتىق كورسەتكىشتەگى كىرىس قورداعى جينالعان قارجىنىڭ كوپ بولۋىمەن بايلانىستى. وسى جىلدىڭ ەكىنشى توقسانىندا قوردىڭ اكتيۆتەرىنىڭ جالپى قۇنى 8 ترلن كرون نەمەسە 1 ترلن دوللاردان اسقان. وسى ۋاقىتتا قوردىڭ بارلىق قارجىسىنىڭ 65,1%-ى اكتسيالارعا، 32,4%-ى وبليگاتسيالارعا، قالعان 2,5%-ى جىلجىمايتىن مۇلىككە سالىنعان.

نورۆەگيا ۇكىمەتى جارتى جىلدا قوردىڭ قارجىسىنان 40 ملرد كرون العان. قازىرگى كەزدە ەلدىڭ مەملەكەتتىك زەينەتاقى قورىنىڭ اكتيۆتەرىنىڭ جالپى قۇنى 7,7 ترلن كرونعا (972 ملرد دوللار) باعالانىپ وتىر. وسىلايشا ءاربىر نورۆەگيالىقتىڭ زەينەتاقىسى ورتاشا ەسەپپەن 181 مىڭ دوللار بولادى.

ايتا كەتەيىك، قازاقستاننىڭ دا زەينەتاقى قارجىسى دا باسقا ەلدەردىڭ پروبلەمالى بانكتەرىنىڭ وبليگاتسيالارىن ساتىپ الۋعا جۇمسالعان. وسىعان قاتىستى داۋ دا تۋىندادى. ازەربايجاننىڭ حالىقارالىق بانكىنە سالىنعان 71,3 ملرد تەڭگەگە قاتىستى ۇلتتىق بانك توراعاسى دانيار اقىشەۆ "ونى باس بانكتىڭ بۇرىنعى قىزمەتكەرلەرى سالعان" دەپ مالىمدەدى.

“The Qazaq Times”