Tayauda mälim bolğan Qazaqstan azamattarınıñ zeynetaqı qorında qanşa qarajat jinalğanı jäne Wlttıq banktiñ ol aqşanı qayda jwmsağanı turalı resmi aqparattı nazarlarıñızğa wsınamız.

Ötken jılı qırküyekte zeynetaqı aktivterin investiciyalau kölemi 55,3 milliard teñgege jetken. Qazaqstannıñ ekinşi deñgeyli bank depozitteriniñ negizgi qarızınıñ 1,4 milliard teñgesi ötelgen. Salımşılardıñ esebine tüsken zeynetaqı aktivteriniñ tabısı 2019 jıldıñ basınan beri 4,98% boldı.

Biıl qırküyekte Wlttıq bank BJZQ esebinen qarjı ministrliginiñ memlekettik qwndı qağazdarınıñ negizgi qarızın ötegen. Jalpı soması — 16,9 milliard teñge. Al 1 qazanğa deyin Birıñğay jinaqtauşı zeynetaqı qorınıñ zeynetaqı aktivi portfeliniñ kölemi 10 426,3 milliard teñge boldı. Aqşa men wlttıq valyutadağı qarjı tetigi 6 850,6 milliard teñge nemese 65,7%. Şeteldik valyutada — 3 575,7 milliard teñge.

Sonımen qatar, Wlttıq bank Birıñğay jinaqtauşı zeynetaqı qorındağı 20 milliard teñgeni «Qazaqstan temir jolı» wlttıq kompaniyasınıñ obligaciyasın satıp aluğa jwmsağan. Tabıstılığı — jılına 11,5%.

"The Qazaq Times"