Foto: 7kun.kz

Birıñğay jinaqtauşı zeynetaqı qorı körsetiletin qızmetterdi jañğırtu jäne oñtaylandıru boyınşa salımşılar men aluşılarğa jaña qızmetter wsınadı. Bwl turalı qordıñ baspasöz qızmeti habarladı.

Qordıñ mälimetinşe, 2017 jıldıñ mausımında qor birqatar jaña servisterdi iske qosqan. Endi salımşılar qor keñsesine kelmey-aq, sayttağı jeke kabinet arqılı elektrondıq cifrlıq qoltañbanıñ kömegimen mindetti zeynetaqı jarnaların esepke alu boyınşa zeynetaqı şotın aşu jäne zeynetaqı tölemderin tağayındau boyınşa ötiniş beru jäne sol ötiniştiñ orındalu barısın qadağalau mümkindine ie boladı.

Al zeynetaqı tölemderin tağayındau turalı ötiniş beru üşin elektrondıq cifrlıq qoltañbadan basqa 20 sannan twratın banktik şot turalı mälimet jäne banktiñ derektemeleri kerek. Teñgelik şottı ekinşi deñgeydegi bankte nemese «Qazpoşta» bölimşesinde aşuğa boladı.  Bwl rette Qor salımşığa ötinişiniñ orındalu barısı jöninde SMS-habarlama jiberip otıradı.

Biıl atalğan qızmetterdi elektrondıq ükimet portalı arqılı iske qosu jwmıstarı bastaladı.

Sonday-aq, 2017 jıldıñ üşinşi toqsanında Qor tağı bir elektrondı qızmetti – salımşınıñ qosımşa derektemelerine özgerister/tolıqtırulardı elektrondı twrğıda engizu josparlanğan. Bwl derektemelerge jeke bastı kuälandıratın qwjattıñ derekteri (türi, nömiri, küni jäne osı qwjattı bergen organ), poştalıq jäne (nemese) elektrondıq mekenjay, sonımen qatar üy, jwmıs jäne wyalı telefon nömirleri jatadı.

“The Qazaq Times”