زەينەتاقى قورى ەلەكتروندى قىزمەت تۇرلەرىن ارتتىرماق

بىرىڭعاي جيناقتاۋشى زەينەتاقى قورى كورسەتىلەتىن قىزمەتتەردى جاڭعىرتۋ جانە وڭتايلاندىرۋ بويىنشا سالىمشىلار مەن الۋشىلارعا جاڭا قىزمەتتەر ۇسىنادى. بۇل تۋرالى قوردىڭ ءباسپاسوز قىزمەتى حابارلادى.

قوردىڭ مالىمەتىنشە، 2017 جىلدىڭ ماۋسىمىندا قور بىرقاتار جاڭا سەرۆيستەردى ىسكە قوسقان. ەندى سالىمشىلار قور كەڭسەسىنە كەلمەي-اق، سايتتاعى جەكە كابينەت ارقىلى ەلەكتروندىق تسيفرلىق قولتاڭبانىڭ كومەگىمەن مىندەتتى زەينەتاقى جارنالارىن ەسەپكە الۋ بويىنشا زەينەتاقى شوتىن اشۋ جانە زەينەتاقى تولەمدەرىن تاعايىنداۋ بويىنشا ءوتىنىش بەرۋ جانە سول ءوتىنىشتىڭ ورىندالۋ بارىسىن قاداعالاۋ مۇمكىندىنە يە بولادى.

ال زەينەتاقى تولەمدەرىن تاعايىنداۋ تۋرالى ءوتىنىش بەرۋ ءۇشىن ەلەكتروندىق تسيفرلىق قولتاڭبادان باسقا 20 ساننان تۇراتىن بانكتىك شوت تۋرالى مالىمەت جانە بانكتىڭ دەرەكتەمەلەرى كەرەك. تەڭگەلىك شوتتى ەكىنشى دەڭگەيدەگى بانكتە نەمەسە «قازپوشتا» بولىمشەسىندە اشۋعا بولادى.  بۇل رەتتە قور سالىمشىعا ءوتىنىشىنىڭ ورىندالۋ بارىسى جونىندە سمس-حابارلاما جىبەرىپ وتىرادى.

بيىل اتالعان قىزمەتتەردى ەلەكتروندىق ۇكىمەت پورتالى ارقىلى ىسكە قوسۋ جۇمىستارى باستالادى.

سونداي-اق، 2017 جىلدىڭ ءۇشىنشى توقسانىندا قور تاعى ءبىر ەلەكتروندى قىزمەتتى – سالىمشىنىڭ قوسىمشا دەرەكتەمەلەرىنە وزگەرىستەر/تولىقتىرۋلاردى ەلەكتروندى تۇرعىدا ەنگىزۋ جوسپارلانعان. بۇل دەرەكتەمەلەرگە جەكە باستى كۋالاندىراتىن قۇجاتتىڭ دەرەكتەرى ء(تۇرى، ءنومىرى، كۇنى جانە وسى قۇجاتتى بەرگەن ورگان), پوشتالىق جانە (نەمەسە) ەلەكتروندىق مەكەنجاي، سونىمەن قاتار ءۇي، جۇمىس جانە ۇيالى تەلەفون نومىرلەرى جاتادى.

“The Qazaq Times”