2017 jılı 26 säuir küni Respublika sarayında Qazaqstan Respublikası Wlttıq wlanı Än-bi ansambli men birlesken orkestriniñ Wlttıq wlan äskeriniñ 25 jıldığı men Otan qorğauşılar künine oray «Wlı Dala wlandarı» attı Gala-koncerti ötedi. Atalğan şara Wlttıq wlan Bas qolbasşılığı jäne Respublika sarayınıñ äkimşiliginiñ birlesken jobasımen, sonday-aq Almatı qalası äkimdiginiñ qoldauımen wyımdastırılıp otır. 

Mäni bölek mädeni şara Qazaqstan Respublikası Prezidenti Nwrswltan Äbişwlı Nazarbaevtıñ «Bolaşaqqa bağdar: Ruhani jañğıru» attı elimizdiñ ruhani jañğıruınıñ biregey bağdarlaması ayasında wyımdastırılu üstinde.

Koncertke Parlament Senatı halıqaralıq qatınastar, qorğanıs jäne qauipsizdik Komitetiniñ törayımı Dariğa Nazarbaeva, Qazaqstan Respublikası İşki ister ministri policiya general-polkovnigi Qalmwhanbet Qasımov, Almatı qalasınıñ äkimi Bauırjan Baybek, Qazaqstan Respublikası Wlttıq wlanınıñ Bas qolbasşısı general-leytenant Ruslan Jaqsılıqov, qalalıq mäslihat deputattarı, küş-quat vedomstvolarınıñ, komitetter, departamentterdiñ basşıları, ardagerler, BAQ ökilderi, Almatı garnizonınıñ äskeri qızmetşileri men olardıñ otbası müşeleri, sonday-aq qala twrğındarı men qonaqtarı qatısadı.

Şaranıñ koncerttik bağdarlamasında elimizdiñ eñbek siñirgen qayratkerleri El'mira Baqqali, Mwrat Nwrğaziev, Estay Mwqaşev, Edil Qwsayınov, sonday-aq Ğayni Jwmaşeva, Ashat Tauşev, Bauırjan Twrğımbaev sındı köptegen bayqaulardıñ laureattarı öner körsetedi. Koncertke Wlttıq wlan Än jäne bi ansambliniñ bastığı Darhan Rahımğaliev körkemdik jetekşilik jasaydı.

Sonımen qatar merekelik koncertte «Aziya dauısı» jäne «Slavyanskiy bazar» halıqaralıq bayqaularınıñ laureatı Marjan Arapbaeva, ansambl'diñ fol'klorlıq tobı, vokal'dıq tobı jäne tağı basqa da önerpazdar wjımı öz önerlerin körsetetin boladı.

Koncert basında keş qonaqtarı Wlttıq wlannıñ fototilşisi Vyaçeslav Gel'blingtiñ Wlttıq wlannıñ qızmettik-jauıngerlik tınıs-tirşiligi jaylı fotokörmesimen tanısa aladı. Osı orayda, egemen elimizdiñ Otan qorğauşılarınıñ fotoşejiresin jasauda V.Gel'blingtiñ siñirgen eñbegi atap öterlik. Onıñ köpşilik fotosuretteri jwrt köñilinen şıqtı. Qazirgi tañda maytalman mamannıñ jeke mwrağatında äskeri salağa qatıstı bir millionnan asa fotosuret jinalğan.

2017 jıldıñ 10 qañtarında, memleketimiz täu eter Täuelsizdigimizge qol jetkizgen twsta Elbası Jarlığımen jasaqtalğan İşki äskerdiñ, bügingi tañdağı Wlttıq wlannıñ qwrılğanına 25 jıl toldı.

Qwqıqtıq tärtip äskeri işki ister organdarınıñ birtwtas jüyesine kiredi jäne elimizdiñ işki tınıştığın qas qaqpay küzetip, jeke adamdı, qoğam men memleketti qılmıs pen zañğa qayşı äreketterden qorğaudı senimdi jüzege asırıp keledi.

Koncert 2017 jılı 26 säuir küni sağat 11.00-de jäne 19.00-de Almatı qalasınıñ Respublika sarayında ötedi. Kiru tegin biletter men şaqıru biletteri boyınşa.

Akkreditaciya üşin baylanıs telefondarı: 8-778-397-11-10, 8707-937-66-78,  8 747 887 98 72, 8 777 246 23 26, 8 778 260 37 08

Qazaqstan Respublikası,  Wlttıq wlanınıñ baspasöz qızmeti

"The Qazaq Times"