Almatı oblısı Talğar audanındağı jañadan salınıp qazaq mektebi boladı dep süyinşilegen oqu ornı tağı da aralas mektep bolama? Halıq nege aşulı? Qazaq mektebiniñ aşıluına kimder qarsı? Osı swraqtardı tilşimiz swrap qayttı.

Tmızdıñ 15 küni Almatı oblısı Talğar audanında bir top ata-ana jäne wstazdar, qoğam belsendileri jinalıp, audandıq mäslihat deputattarımen, audandıq, oblıstıq bilim bölimi basşılarımen №9 T.Rısqwlov atındağı eski qazaq mektebinde kezdesti. Bwl Talğar audanında osı küzde qoldanısqa berilui kerek №25 mektep töñireginde. Jıl basınan beri şuğa aynalğan daulı tüytkil säuir ayınıñ soñına qaray şeşimin tapqan. Jergilikti atqaruşı bilik osı küzden bastap tek qana qazaq tilinde oqıtıladı dep jariyalağan. Bwl turalı mäjilis deputatı Janarbek Äşimjan mırza säuirdiñ 22 küni öziniñ facebook paraqşasında bılay dep jazıp edi: “Bügin süyinşi jañalıq jetti. Jergilikti atqaruşı bilik şeşim qabıldaptı, 1200 orındıq mektep taza qazaq tilinde oqitın balalarğa arnalğan bilim oşağı boladı, bwyırtsa! Osı bir oñ men soldan jel wytqıp twrğan kezeñde bwl da köñilge medeu jañalıq.
Qwttı bolsın!
Jaña oqu jılında qoñırauı soğılatın mektepten keleşekte elimizdiñ köşin örge, memlekettik tilin törge şığaratın wrpaq molınan şığuına tilektespiz!” Alayda, oqu bastaluğa sanaulı künder qalğanda şeşim özgerip, aralas mektep boluı mümkin ekendigin habarlağan. sol sebepti audan jwrtşılığı bwnday şeşimge tübegeyli qarsı ekendikterin bildirdi. Köpşilikpen kezdesuge Almatı oblısı bilim basqarmasınıñ basşısı Bespaeva Saltanat Dauıspekqızı jäne Almatı oblısı bilim basqarmasınıñ mektepter bölimi basşısı Twrğanbaeva Roza Maksimqızı keldi.
Talğar audanınıñ qwrmetti azamatı Tälimov Kämnwr Tälimwlı: “jaña mektepke barğısı keletin 900 balanıñ tizimi mende bar, 30 jıldan beri ne oyın alañı joq, ne sport zalı joq, terezesi de dwrıs aşılmaytın, bölmeleri tar osı eski mektepte qazaq balaları oqıp keldi, 345 qazaq balası jaña mektepke barğısı keledi, jañağı 900 ge osı 345 ti qosıñız. Sondıqtan bwl talqılaytın mäsele emes, jaña mektepti qazaqtarğa beriñizder”.
Zañger Asılbek Qaraev: “Bwl audan köleminde şeşiletin mäsele edi, audandıq bilim basqarmasınıñ basşısı Qarlığa hanım mäseleni uşıqtırıp, wlt arazdığına alıp keletin jağdayğa jetkizdi. Saltanat hanım, sizdi bwl jerge şaqıruımız audan basşılarına wyat bolıp sanaluı kerek edi, basqa elde qalıp ketken qazaqtar siyaqtımız. men basqa wlt ökilderin kemsitu nemese olardıñ qwqıqtarın qorğamañdar dep aytıp otırğam joq, biraq “qazaq tili dwrıs-qoy” deytin Kämnwr ağa siyaqtı kisilerdiñ sözin paydalanıp, çattarda arandatuşılıq jasaydı, erteñ sonıñ bäri qaqtığısqa äkelmeytinine kim kepildik beredi?”
Läylä Beysembaevna, wstaz: “Orıs emes, qazaq mektepteri üş auısımda oqitının nege aytpaysızdar?”
Saniya Nüsipäli qazaq tili ädebieti päniniñ mwğalimi : “Bizge marqwm Jolan mırza uäde berip edi, jaña mektepte oqisıñdar dep, biz jazda terezesi de aşılmaytın ıstıq, qısta suıq kabinette pal'tomen jürip sabaq berdik. Biz on jıldan beri küttik, jaña mektep salıp beredi nemese remont jasap beredi dep. Bizdiñ mekteptiñ oquşılarınıñ barlığınıñ äleumettik jağdayı tömen, sizder solardıñ üylerin aralap köriñizder. Sonda bizdiñ elde jağdayı tömen balalar osınday jerde otıra berui kerek pe? Mäseleni aşıp tüsindiretin basşığa kezdespedik, Qarlığa hanım T.Rısqwlov atında №16 tağı bir mektep bar, sondıqtan bwl mekteptiñ atı öşse öşe bersin degen, biz bwdan bılay eski mektepte oqımaymız, 3 milliard 700million teñge jwmsap ne üşin saldı? Biz 340 oquşımen, 40 mwğalimmen jaña ğimaratqa baramız.”
Täuekelova Sälima: “Men osında wstazbın jäne nemerelerim osında oqidı, aralas mektepke nemerelerimdi bergim kelmeydi, tärbie naşar, qazaqılıqtan ayırılıp qaladı, öz basım aralas mektepke qarsımın”.
Almatı oblısınıñ bilim basqarmasınıñ basşısı Bespaeva Saltanat: “Qazaqstanda memlekettik til-qazaq tili, sondıqtan barlığına mindetti qazaq tili oqıtıladı, biraq elimizde basqa wlt ökilderi de twratındıqtan, ol kisilerdiñ qwqığın taptauğa da jol bermeymiz. Audandıq bilim bölimimen habarlasıp edim, sizder aytqanday 1300 bala jinalmaptı. qazirgi tañda 619 bala qazaq sınıbına, 713 bala orıs sınıbına ötiniş beregen. Sondıqtan, bwl mäseleni sizdermen aqıldasıp şeşuge keldim”.
Aldibekova Alma Zikiriyaqızı №9 mektep direktorı: “Bizdiñ ata-analarımız jaña mektepke auısuğa kelisip otır, olar ılği da kütip keldi, biz jaña mektepke köşemiz”.
Bwl mälimetter Talğar audandıq bilim böliminiñ basşısı Qarlığa Aysabekqızınıñ tikeley efirde halıqqa esep bergendegi sandarımen mülde säykes kelmeydi deydi Saniya Nüsipäli. Qarlığa hanım tikeley efirde keşe ğana 900 qazaq bala, 100 ge jetpeytin orıs bala bar, №25 mektep qazaq tilinde aşıladı dep edi, ne üşin eki türli söylep otırğanın tüsinbeymin deydi.
Naqtı bir şeşim qabılday almağan Almatı oblısınıñ bilim basqarmasınıñ basşısı Bespaeva Saltanat hanım kelesi düysenbide jauabın beretinin aytıp jinalıstı tarattı.
Bwl mäsele aldağı künderde de redakciya nazarında boladı.

Almatı Oblısı, Talğar audını

N. Baytwrsın