Halıqtı qımbatşılıq qısıp baradı, aylıqtan aylıqqa äreñ küneltip jürgen eldiñ qaltasın qağıp alatın aspandap ketken bağalardı auızdıqtau kimniñ qwzırında? Är saladan tek qana joğarı bağadağı zattardı köremiz. Kiimdi kimey, twrmısqa qajetti basqa da twtınu bwyımdarın almay şıdauğa bolar, alayda azıq-tülikke swranıs toqtamaydı. Özimizde öndirilgen kartop, wn, süt önimderiniñ bağası şarıqtap ketken.

Biıl naurızda azıq-tülik tauarları bağasınıñ ösui jıldıq mände 15,4% jedeldegen, dep habarladı Elorda.info Wlttıq banktiñ baspasöz qızmetine silteme jasap. Jıl basınan bergi ärtürli el işindegi jäne halıqaralıq jağdaylar dollar bağasınıñ ösip, teñgeniñ qwldırauına äkeldi. Şikizatqa täueldi Qazaqstan üşin teñgeni öz deñgeyinde wstap twru oñayğa soqpadı.
27 aqpanda Qazaqstan Wlttıq banki osı jağdayğa oray rubl'diñ qwldırauınan bolatın "negizsiz äserdi azaytu üşin" kerek jağdayda valyutalıq intervenciya jürgize beretinin jariyaladı. Intervenciyanıñ kölemi men jiiligi işki valyuta narığındağı jağdayğa baylanıstı örbitini habarlanğan. Ekonomist Aydar Älibaevtıñ pikirinşe, qazirgi geosayasi jağdaydı eskergende mwnay bağasınıñ ösui teñge twraqtılığına äser ete almaydı. "Öytkeni Qazaqstanda mwnaydan tüsetin paydanı batıs kompaniyaları aladı" deydi ol azattıqqa bergen mälimdemesinde. Ükimet teñgeniñ qwldırauın toqtatqısı kelse de, azıq-tülik bağasınıñ ösuın şektey almay otır, bwl öz kezeginde, basqa da äleumettik mañızı bar önimderdiñ qımbattauına äkeldi.

Mausım ayınan beri qant bağası rekordtıq deñgeyge jetti. Qazaqstanda küzge qaray qant bağası 1 000 teñgege deyin köteriledi, – dep habarlağan "Habar 24" telearnası. Alayda küzde boladı degen 1000₸, qazirden bastalıp ketti, tipti key öñirlerde bir adamğa eki, üş keliden artıq satılmay jatır. Jaz ben küz mezgilinde qantqa swranıs artıp, jemis tosaptarın, kompottarın jabatın kez. Qısqa basıp alatın varen'ege köp otbasınıñ jağdayı kelmeytin türi bar. Energyprom.kz monitoring agenttiginiñ aqparatına säykes, qant bağası bir jıl işinde 61%-ke östi. Bwl ösim osılay jalğasa berse, küzge deyin bağanıñ qanşa bolatının boljau qiın. Sauda jäne integraciya ministri Baqıt Swltanov eldegi qant tapşılığın moyındap, onı Resey tarapınan qant eksportına engizilgen tıyımmen baylanıstırdı.
Auıl şaruaşılığı ministri Erbol Qaraşökeev ükimet otırısında elimizde aldağı uaqıtta qant bağasınıñ qanşa teñgege deyin köterilui mümkin ekenin naurız ayınıñ ortasında aytqan edi. Ministrdiñ sözinşe özimizdiñ azıq-tülik kelisimşartı bar korparaciyamız bar. Köterme swranısqa ermey, qajeti joq köp kölemde qanttı satıp almañızdar. Sebebi qazir azıq-tülik kelisim-şart korporaciyanıñ qorı boyınşa 2,5  mıñ tonna qantımız bar. Onı 311 teñgeden öñirlerge jetkizu jwmıstarın jasap jatırmız", - dedi ministr. Qaraşökeevtiñ sözinşe, qant bağası aldağı uaqıtta äri ketse 60-70 teñgege ösui mümkin degen bolatın.

Qazirgi jağdayğa qarağanda, ministr boljağan bağadan äldeqayda asıp ketti, tipti dükenderde qant tapşılığı bayqaladı.Talğar audanında 1000₸ deyin saudalanuda. Onlayn dükenderden bayqağanımızday köterme bağada 600 keliden köp alsañız 720 ₸ satıladı. Ärine bölşek bağanıñ qanşağa baratının saudager özi belgileydi.

Eldiñ qaltasınan tabağına tüsken qımbatşılıq, halıqtı tättisinen ayırmasın. Qara şayın qantpen işuge, qara botqasın qantpen jeuge mümkindik beretin zañdar referendumnan soñ, öz jemisin berer degen ümittemiz.

Nürbätima Baytwrsın

Talğar audanı