2015 jılğı «Qazaqstan dauısı» jobasınıñ jüldegeri, änşi Seyt Sauatay beybit mitingke qatısqanı üşin qamauğa alınğan. Änşiniñ jaqındarı policiya onı auruhanada jatqan jerinen alıp ketkenin, tuıstarına da eskertpegenin aytadı.

Jaqındarınıñ aytuınşa Seyt Sauatay (qwjat boyınşa Seit Sauatay) 5 qañtarda Almatıdağı beybit mitingke şıqqan, sol küni keşte ayağınan jaraqat alıp №12 qalalıq auruhanağa tüsken. Birneşe künnen keyin onı policiya alıp ketken, qayda aparğanınan habarsız qalğan turıstarı izdestirip jürip Si-18 izolyatorında ekenin tek 17 qañtarda ğana bilgen.

Seyt Sauataydıñ jaqındarı oğan memleket tağayındağan advokattı da izdestirip jürip tapqan. Onıñ aytuınşa änşige Qılmıstıq kodekstiñ turalı 272-babı (Jappay tärtipsizdik babı) 2-tarmağı boyınşa küdik tağılıp, eki ayğa sankciyalanğan.

Al, jaqındarı bolsa änşiniñ bwzaqılıq pen tärtipsizdikke qatısı joq, esesine ruhtı, patriottıq änderimen eline adal qızmet etip jürgen öner adamı ekenin aytadı. "Talanttı önerpazğa jazıqsız jala jabılıp, tağdarına balta şabılmasa eken" dep alañdaydı.

The Qazaq Times