Änşi Ruhiya Baydükenova.

Qazaqstandıq änşi Ruhiya Baydükenova Vitebskide (Belarus') ötken "Slavyan bazarı" festivaliniñ bas jüldesin jeñip aldı.

Ol konkurstıñ finaldıq kezeñinde amerikalıq ataqtı änşi Merayya Keridiñ orındauındağı "Emotions" änin şırqadı.

Jarısta birinşi orındı Serbiyadan kelgen Irina Arsenieviç, ekinşi orındı ukrainalıq Renata Ştifel' men Daniil Mışkovec ielendi. Slovakiyalıq Ivanna men Äzerbayjannan kelgen Tofik Gadjiev üzdik üştikti tüyindedi.

22 jastağı Ruhiya Baydükenova - Taldıqorğan qalasınıñ tuması. Qazir ol Qazaq wlttıq öner universitetinde "Estradalıq vokal" mamandığı boyınşa üşinşi kursta oqıp jatır. Bwğan deyin Baydükenova halıqaralıq konkursta top jarğan emes.

Qazaqstan änşileri osığan deyin "Slavyan bazarı" bayqauınıñ bas jüldesin eki ret jeñip alğan. Atap aytqanda, 2015 jılı Dimaş Qwdaybergen, 2019 jılı Ädilhan Makin osı konkursta top jarğan.

"Slavyan bazarı" halıqaralıq öner festivali 1992 jıldan beri ötedi

"The Qazaq Times"