Bügin Almatıda Adam qwqıqtarı men zañdılıqtı saqtau jönindegi Qazaqstan halıqaralıq byurosınıñ baspasöz ortalığında 2021 jıldıñ 11 qañtarına qarağan tüni kisi qolınan qaza tapqan Djamalov Jwmabek Swltanbaywlınıñ jaqındarı ädildikti, sonday-aq, qanişerlerdiñ "Adam ölimi"  babımen jauapqa tartıluın talap etip baspasöz jiının ötkizdi.

«Jañaözen qanişerleriniñ keşi» taqırıbında ötken baspasöz jiınına belgili jurnalist, sayasatker Rısbek Särsenbaywlı, anası Tulkibaeva Raziya, jwbayı Bazarbaeva Dariğa, äpkeleri Svetlana men Gul'şat Djamalovalar qatıstı.

Djamalov Jwmabek Swltanbaywlı 1989 j.t., Jañaözen qalası, Qızılsay aulınıñ twrğını, 2012 jıldan bastap «Özenmwnaygaz» AQ qarastı «BJB» mekemesinde №13 skvajinalardı jerastı jöndeu brigadasınıñ 4-şi därejeli operatorı bolıp jwmıs jasağan.

2021 jıldıñ 10 qañtar küni keşki ausımğa jwmısqa 11 qañtarğa qarağan tüni asa qatıgezdikpen, qasaqana, ayausız, ayuandıqpen Jañaözen qalası Qızılsay aulında jeke twrğın üydiñ, tuısınıñ garajında adamdar tobı öltirip ketken.

Altı ayğa sozılğan tergeu, tekseru jwmıstarında Jañaözen qalasınıñ PB TB tergeuşisi Q. Janov

Tergep-tekseru jwmıstarı 6 ay sozılıp, Jañaözen qalasınıñ PB TB tergeuşisi Q.Janov 8 küdiktilerdiñ tizimin şığardı. Olardıñ 3-i qaşqındıqta, olarğa izdeu jwmıstarı jürgizilgen joq. Olardı negizgi qılmıstıq isten bölektep alıp otır. Qalğan 5-niñ 1-i sebepsizden-sebepsiz ayaq-astı kuä bolıp ketti, 4-i jalğan ayıptau aktisi boyınşa jeñil jazamen saralanıp, sotqa 01.07.2021j. jiberildi. Sodan sot öndirisinde 4 ay boldı.

Mine, sodan beri jazıqsız öltirilgen Jwmabektiñ janı tınıştıq tappay keledi, öytkeni onı öltirgender QR QK-niñ 99 babı «Adam ölimi» degen ayıppen emes, QR QK-niñ 106 «Densaulıqqa qasaqana auır ziyan keltiru», 107 «Densaulıqqa qasaqana auırlığı ortaşa ziyan keltiru», 389 «Özinşe bilik etu» baptarı boyınşa saralanıp, tek qana bireuine QR QK-niñ 99 babı 1 böligin tağıp, sotqa jiberilip otır.

Biz Jwmabekti qorlap, azaptap, üstinen sekirip öltirgenin bilemiz, sodan onıñ jüregi jarıldı. Därigerler tilinde onı «jürek tamponadası» dep ataydı.

Sot-medicinalıq sarapama diagnozı: Keude quısınıñ, işiniñ jäne sol jaq ayaqtarınıñ jaraqattarı; jürek jarıluı, jürek qabınıñ qan qwyıluı (280ml), jürektiñ tığındaluı, ökpeniñ tamırmañı örkenderine qan qwyıluı; bauırdıñ jarıluı, bauırdıñ oraq tärizdi baylamına qan qwyıluı, işastar işine qan ağu (350ml); sol ayağı sirağınıñ süyekteriniñ jabıq sınuı; jürek quıstarında qara tüsti swyıq qan; soğılğan jara, qantalaular, bas jäne ayaq qoldarınıñ sıdırılğan jaraları.

Tergep-tekseru jwmıstarı kezinde anıqtalğan 8 küdiktilerdiñ qaşqındıqta jürgen 3-in tauıp, qılmıstıq isti qaytadan prokurorğa jiberip, qaytadan tergep-tekseruge jiberudi talap etemiz. Sebebi qılmıs qaruı anıqtalmağan, ayıptau aktisi jalğan däleldemelermen negizdelip, jasaqtalğan.

Jäne osı tergep-tekseru amaldarın jürgizgen, osınday jağdayğa äkelgen Jañaözen qalasınıñ PB TB tergeuşisi Q.Janov, PB bastığı A.Qasanov, prokuror B.Djanısbaevtı jauapkerşilikke tartuıñızdı talap etemiz.

Jwmabektiñ otbası ädildikti, qanişerlerdiñ "Adam ölimi" boyınşa QR QK-niñ 99 babı 2 böligi 3, 5, 7, 9, 15 tarmaqtarımen jauapqa tartıluın talap etedi.