بۇگىن الماتىدا ادام قۇقىقتارى مەن زاڭدىلىقتى ساقتاۋ جونىندەگى قازاقستان حالىقارالىق بيۋروسىنىڭ ءباسپاسوز ورتالىعىندا 2021 جىلدىڭ 11 قاڭتارىنا قاراعان ءتۇنى كىسى قولىنان قازا تاپقان دجامالوۆ جۇمابەك سۇلتانبايۇلىنىڭ جاقىندارى ادىلدىكتى، سونداي-اق، قانىشەرلەردىڭ "ادام ءولىمى"  بابىمەن جاۋاپقا تارتىلۋىن تالاپ ەتىپ ءباسپاسوز جيىنىن وتكىزدى.

«جاڭاوزەن قانىشەرلەرىنىڭ كەشى» تاقىرىبىندا وتكەن ءباسپاسوز جيىنىنا بەلگىلى جۋرناليست، ساياساتكەر رىسبەك سارسەنبايۇلى، اناسى تۋلكيباەۆا رازيا، جۇبايى بازارباەۆا داريعا، اپكەلەرى سۆەتلانا مەن گۋلشات دجامالوۆالار قاتىستى.

دجامالوۆ جۇمابەك سۇلتانبايۇلى 1989 ج.ت.، جاڭاوزەن قالاسى، قىزىلساي اۋلىنىڭ تۇرعىنى، 2012 جىلدان باستاپ «وزەنمۇنايگاز» اق قاراستى «بجب» مەكەمەسىندە №13 سكۆاجينالاردى جەراستى جوندەۋ بريگاداسىنىڭ 4-ءشى دارەجەلى وپەراتورى بولىپ جۇمىس جاساعان.

2021 جىلدىڭ 10 قاڭتار كۇنى كەشكى اۋسىمعا جۇمىسقا 11 قاڭتارعا قاراعان ءتۇنى اسا قاتىگەزدىكپەن، قاساقانا، اياۋسىز، ايۋاندىقپەن جاڭاوزەن قالاسى قىزىلساي اۋلىندا جەكە تۇرعىن ءۇيدىڭ، تۋىسىنىڭ گاراجىندا ادامدار توبى ءولتىرىپ كەتكەن.

التى ايعا سوزىلعان تەرگەۋ، تەكسەرۋ جۇمىستارىندا جاڭاوزەن قالاسىنىڭ پب تب تەرگەۋشىسى ق. جانوۆ

تەرگەپ-تەكسەرۋ جۇمىستارى 6 اي سوزىلىپ، جاڭاوزەن قالاسىنىڭ پب تب تەرگەۋشىسى ق.جانوۆ 8 كۇدىكتىلەردىڭ ءتىزىمىن شىعاردى. ولاردىڭ 3-ءى قاشقىندىقتا، ولارعا ىزدەۋ جۇمىستارى جۇرگىزىلگەن جوق. ولاردى نەگىزگى قىلمىستىق ىستەن بولەكتەپ الىپ وتىر. قالعان 5-ءنىڭ 1-ءى سەبەپسىزدەن-سەبەپسىز اياق-استى كۋا بولىپ كەتتى، 4-ءى جالعان ايىپتاۋ اكتىسى بويىنشا جەڭىل جازامەن سارالانىپ، سوتقا 01.07.2021ج. جىبەرىلدى. سودان سوت وندىرىسىندە 4 اي بولدى.

مىنە، سودان بەرى جازىقسىز ولتىرىلگەن جۇمابەكتىڭ جانى تىنىشتىق تاپپاي كەلەدى، ويتكەنى ونى ولتىرگەندەر قر قك-ءنىڭ 99 بابى «ادام ءولىمى» دەگەن ايىپپەن ەمەس، قر قك-ءنىڭ 106 «دەنساۋلىققا قاساقانا اۋىر زيان كەلتىرۋ»، 107 «دەنساۋلىققا قاساقانا اۋىرلىعى ورتاشا زيان كەلتىرۋ»، 389 «وزىنشە بيلىك ەتۋ» باپتارى بويىنشا سارالانىپ، تەك قانا بىرەۋىنە قر قك-ءنىڭ 99 بابى 1 بولىگىن تاعىپ، سوتقا جىبەرىلىپ وتىر.

ءبىز جۇمابەكتى قورلاپ، ازاپتاپ، ۇستىنەن سەكىرىپ ولتىرگەنىن بىلەمىز، سودان ونىڭ جۇرەگى جارىلدى. دارىگەرلەر تىلىندە ونى «جۇرەك تامپوناداسى» دەپ اتايدى.

سوت-مەديتسينالىق ساراپاما دياگنوزى: كەۋدە قۋىسىنىڭ، ءىشىنىڭ جانە سول جاق اياقتارىنىڭ جاراقاتتارى; جۇرەك جارىلۋى، جۇرەك قابىنىڭ قان قۇيىلۋى (280مل), جۇرەكتىڭ تىعىندالۋى، وكپەنىڭ تامىرماڭى وركەندەرىنە قان قۇيىلۋى; باۋىردىڭ جارىلۋى، باۋىردىڭ وراق ءتارىزدى بايلامىنا قان قۇيىلۋى، ءىشاستار ىشىنە قان اعۋ (350مل); سول اياعى سيراعىنىڭ سۇيەكتەرىنىڭ جابىق سىنۋى; جۇرەك قۋىستارىندا قارا ءتۇستى سۇيىق قان; سوعىلعان جارا، قانتالاۋلار، باس جانە اياق قولدارىنىڭ سىدىرىلعان جارالارى.

تەرگەپ-تەكسەرۋ جۇمىستارى كەزىندە انىقتالعان 8 كۇدىكتىلەردىڭ قاشقىندىقتا جۇرگەن 3-ءىن تاۋىپ، قىلمىستىق ءىستى قايتادان پروكۋرورعا جىبەرىپ، قايتادان تەرگەپ-تەكسەرۋگە جىبەرۋدى تالاپ ەتەمىز. سەبەبى قىلمىس قارۋى انىقتالماعان، ايىپتاۋ اكتىسى جالعان دالەلدەمەلەرمەن نەگىزدەلىپ، جاساقتالعان.

جانە وسى تەرگەپ-تەكسەرۋ امالدارىن جۇرگىزگەن، وسىنداي جاعدايعا اكەلگەن جاڭاوزەن قالاسىنىڭ پب تب تەرگەۋشىسى ق.جانوۆ، پب باستىعى ا.قاسانوۆ، پروكۋرور ب.دجانىسباەۆتى جاۋاپكەرشىلىككە تارتۋىڭىزدى تالاپ ەتەمىز.

جۇمابەكتىڭ وتباسى ادىلدىكتى، قانىشەرلەردىڭ "ادام ءولىمى" بويىنشا قر قك-ءنىڭ 99 بابى 2 بولىگى 3, 5, 7, 9, 15 تارماقتارىمەن جاۋاپقا تارتىلۋىن تالاپ ەتەدى.