Jambıl oblısında bolğan joyqın apatqa baylanıstı bilik onlayn ötkizgen şwğıl jinalıstan körinis. Foto: QR Ükimeti

Prezident Toqaev Jambıl oblısındağı tötenşe jağdayğa baylanıstı şwğıl keñes ötkizdi. Prezident jarılıstan qaza tapqandardıñ otbasılarına köñil aytıp, zardap şekkenderdiñ tezirek sauığıp ketuine tilektestigin bildirdi.

Keñeske ükimet basşısı, qwqıq qorğau organdarınıñ basşıları qatıstı. İs-şarağa Jambıl oblısınıñ äkimi men qorğanıs jäne tötenşe jağdaylar ministrleri, Tarazdan beynebaylanıs formatında qatıstı.

Toqaev keñeste apat jöninde vedomstvoaralıq komissiya qwrudı tapsırdı. Onı vice-prem'er Roman Sklyar basqaradı. Marqwmdardıñ otbasıların qorğau jäne ziyan şekken twrğındarğa kömek körsetuge uäde berildi.

Komissiyağa ört pen jarılıstan kelgen şığındı bağalau, zardabın joyu jäne zaqımdalğan infraqwrılımdı qalpına keltiru, sonday-aq ziyan şekken twrğındardı äleumettik qoldau mindeti artıldı.

«Birinşi.... Tötenşe jağdaydıñ saldarın joyu jönindegi vedomstvoaralıq memlekettik komissiya qwrılsın. Onı vice-prem'er Roman Vasil'eviç Sklyar basqaradı. Roman Vasil'eviç, kezdesuden keyin birden Jambıl oblısına barudı tapsıramın. Oqiğa ornında barlığın wyımdastırıñız. Ekinşiden, marqwmdardıñ otbasın äleumettik qorğau jäne zardap şekken halıqqa kömek körsetu üşin barlıq qajetti şaralardı qabıldau kerek. Üşinşiden, Densaulıq saqtau ministrligi zardap şekkenderge keşendi medicinalıq kömek körsetui tiis», – dedi prezident.

Tüsten keyingi Taraz qalalıq köpsalalı auruhanası bas därigeriniñ orınbasarı Säken Jwmaşevtıñ aqparat qwraldarına bergen mälimetine qarağanda, 37 adam emdelip jatır, onıñ 5-eui reanimaciyada. Jansaqtau böliminde tösekke tañılğan eki adamdı qattı küyik şalğan. Olarğa Almatı qalasınan bir top reanimatolog-därigerler wşıp kelgen.

Joyqın jarılıstan 9 adam qaza tauıp, ondağan adam jaralanğan. Tağı qauipsizdik qızmetiniñ eki mamanı iz-tüssiz joğalıp ketken. Äzirge izdestirilip jatır.

Bas prokuratura men İİM apattıñ män-jayın anıqtau jäne kinälilerdi jauapqa tartu üşin keşendi tergeu jürgizetini habarlandı.

The Qazaq Times