11 qañtardağı keñeytilgen otırıs.

Elimiz qiın äri kürdeli tarihi künderdi artta qaldırdı. Bügin, 11 qañtarda ötken Mäjilistiñ keñeytilgen otırısı jäne sonıñ qorıtındısı osını körsetkendey boldı. Onlayn jiında ükimet basşılığına Älihan Smayılov keldi. Prezident Toqaev birqatar özekti ekonomikalıq-äleumettik mäseleler boyınşa mälimdemeler jasadı.

Qazaqstan prezidenti Qasım-Jomart Toqaevtıñ mälimdemesinde söz bolğan eñ eleuli bastamalar men özgerister retinde mınalardı aytuğa boladı: «Samwrıq-Qazın» qorına qatıstı reforma jobasın äzirleu; «Operator ROP» kompaniyasınıñ util'dik alım aluına şekteu qoyu; Qıtaymen eñ negizgi şekaralıq ötken Qorğanıs keden beketin retke keltiru jäne tağı basqaları.

Atalğan taqırıptar qoğam ökilderi jağınan da eñ bir qızu talqılanğan jäne jılı qabıldanğan taqırıptar boldı. Ekonomikalıq-äleumettik damudıñ kepilgeri retinde jaña jobalardı josparlau, strategiya bekitu boyınşa tapsırmalar berilui kezekti otırıstıñ bastı sipatı desek te boladı.

Ärine, el kütkendey eldegi keleñsizdikterge jauaptı twlğalar men sayasi toptar atalmadı. Sayasi qwrlımdıq özgerister, sayasi reformalar turalı söz etilmedi. Degenmen, bügingi otırıs Toqaevşa aytqanda: «Qazaqstan damudıñ jaña kezeñine kirgen» kezeñdegi asa mañızdı äri tarihi otırıs dep atauğa negiz bar.

Qoğamnıñ jaña bastamalardan ümiti zor. Desede, eldegi keleñsizdiktiñ qaytalanbası üşin tübirli sayasi özgeristi kütken halıqtıñ tilegi äli jauapsız küyde twr.

The Qazaq Times