Jartı jıldan asa uaqıt eñbek jağdayın talap etip, aqırı ereuilde qaza tapqan mwnayşılardıñ Jañaözen oqiğası kezinde Qazaqstan policiyasın basqarğan Qalmwhanbet Qasımov. Foto: aşıq derekköz / Twrar Qazanğapov

Qazaqstannıñ Täuelsizdik tarihındağı eñ qandı oqiğa – Jañaözen tragediyasında  işki ister ministri, keyingi kezde Memlekettik küzet qızmetiniñ jetekşisi bolğan Qalmwhanbet Qasımov otstavkağa ketuge şeşim qabıldadı.

30 şildede prezident Toqaev general Qasımovtı memlekettik küzet qızmetiniñ basşısı lauazımınan bosatu turalı jarlıqqa qol qoydı.
Bwl jöninde Aqordanıñ baspasöz hatşısı Berik Uäli öziniñ Instagram jelisindegi parağında habarladı. Ondağı mälimetke qarağanda, Qasımov öz erkimen otstavkağa jäne memlekettik qızmetten birjola ketuge arız bergen. Toqaev bwl ötinişti maqwldağan. Äzirge Qasımovtıñ mindetin onıñ orınbasarı Ermek Sağımbaev uaqıtşa atqaradı.

Juırda Jemqorlıq pen wyımdasqan qılmıstı zertteu ortalığı (OCCRP) bastağan bir top media wyımnıñ ondağan mamanı  «kibertıñşı bağdarlamamen mobil'di añdu» jöninde iri zertteu jariyalağan. Qasımovtıñ otstavkağa ketkeni osı zertteu jariyalanğannan keyin habarlanıp otır. Zertteuge säykes, 2 mıñ abonement-nömirdiñ arasında kiberañduğa qazaqstandıq joğarı lauazımdı twlğalar (onıñ işinde prezident Qasım-Jomart Toqaev ta bar, boljam boyınşa onıñ telefonı senat spikeri bolıp twrğan kezde tıñdalğan boluı mümkin) men otstavkağa ketse de, sayasi ıqpalın joğaltpağan, bilikti «sahna sırtınan basqarıp» otır dep sınalıp jürgen eks- prezident Nazarbaev aynalasındağı adamdar wşırağan.

«Nazarbaev rejimin twtas – basınan ayağına deyin añdığanğa wqsaydı, onı sol eldiñ öziniñ arnayı qızmeti añdığan siyaqtı» dep twjırımdaydı zertteu avtorları. Al mwnı prezident äkimşiligi jetekşisiniñ orınbasarı Däuren Abaev halıqaralıq zertteudi «dälelsiz, intriga tudıratın aqparat» dep bağalağan.

Azattıqtıñ tüsindiruinşe, Memlekettik küzet qızmeti – prezidentke tikeley bağınatın jäne soğan esep beretin organ. Ol prezident küzeti mindetin atqaradı, zañnamada belgilengen ökilet ayasında «elbasın», yağni otstavkadan keyin ıqpaldı Qauipsizdik keñesiniñ törağası bolğan Nazarbaevtı da qorğaydı.

64 jastağı Qasımov memlekettik küzet qızmetiniñ bastığı lauazımın 1,5 jıl atqardı. Oğan deyin Qauipsizdik keñesiniñ hatşısı boldı. Qauipsizdik keñesine deyin 8 jıl (11.04.2011-12.02.2019)  işki ister ministrin basqardı. Qazaqstannıñ bas policeyi bolıp twrğan kezde Jañaözen qalasında küştik qwrılım ökilderi eñbek jağdayın jaqsartudı talap etken mwnayşılarğa oq attı. Täuelsizdiktiñ otız jıldığında eñ köp sın aytılğan ministr retinde Qasımovtıñ otstavkasın talap ketkender az bolmağan.

"The Qazaq Times"