Qazaqstannıñ sol kezdegi prezidenti Nwrswltan Nazarbaev pen vice-prem'er Asqar Mamin TMD elderi jiınında şüyirkelesip otır. Soçi, 11 Qazan 2017 jıl. Foto: TASS / Mihail Metcel'

Jwma küngi Parlament Mäjilisiniñ jalpı otırısında Asqar Mamin ükimet basşısı, Nwrlan Nığmatullin tömengi palata törağası  lauazımında qala beretini belgili boldı.

Nazarbaev otstavkasınan bir ay aldın Sağıntaevtıñ ornına tağayındalğan Asqar Mamindi Toqaev prem'er-ministr qızmetine qayta wsındı. Maminniñ kandidaturasın mäjilistiñ basım böligi, 76 deputatı bar Nur Otan-nıñ tügel derligi  maqwldadı.

Mäjilis spikeri Nwrlan Nığmatulinniñ mälimetinşe,  mäjilis otırısına qatısqan 99 deputattıñ 78-i jaqtap dauıs bergen, basqa 21-i qalıs qalğan. Qalıs qalğandar – özderin parlamenttegi «oppoziciya» dep ataytın «Aq jol» men «Qazaqstannıñ halıq partiyası» müşeleri.

Bügin Toqaev tüsten keyingi jiında bıltır indetpen küreske 500 mlrd teñge, käsipkerlikti qoldauğa 1 trln teñge jwmsalğanın ayttı. «Medicinalıq qızmetkerlerdiñ jalaqısı, däri-därmek, infekciyalıq auruhanalar saluğa 225 mlrd teñge jwmsaldı» dedi ol. Ükimettiñ «tiimdi strategiyasınıñ» arqasında Qazaqstan JİÖ-niñ kemuin (2,8% boldı) toqtata aldı, inflyaciya deñgeyi 7,3% deñgeyinde qaldı dedi. Däri-därmek, jeñil önerkäsip, qwrılıs tağı basqa salalarda ilgerileuşilik bayqaldı dedi prezident. Osını iske asırıp otırğan ükimet qwramın meñzedi. Alayda Qazaqstan Orta Aziyada koronavirustan zardap şekken elderdiñ qatarında, älemde auırğandar sanı boyınşa 51-şi orında twr.

Küni keşe, 14 qañtar bilikte ıqpalı zor eks-prezident Nazarbaev Nur Otan frakciyasınıñ jiınında  «sabaqtastıqtı saqtay otırıp, Toqaev Mamindi wsınğan jağdayda onıñ kandidaturasın qoldaudı swraymın» dep pikir bildirgen.

Partiya-assambleya kösemi bıltır «mausım-şilde qırğınına» jol berip alğan Ükimettiñ basşısınıñ eñbegin oñ bağalaydı:

«Barlıq qiındıqqa qaramastan, Ükimet öz jwmısın jaqsı atqardı. Basqa elderge qarağanda biz jaman nätije körsetkenimiz joq».

Qoğamda rezonans tudırğan astanadağı bes balanıñ öliminen keyin narazılıq köñil-küy örşigen 2019 jılğı 25 aqpannan beri prem'er-ministr lauazımında. Wzaq jıldar boyı astanadan wzap körmegen, ärtürli memlekettik qızmet (astana äkimi-orınbasarı, vice-ministr), «Qazaqstan temir jolı» AQ prezidenti orında bolğan.

Sonımen qosa, Parlament mäjilisiniñ VII şaqırılımdağı deputattarı jaña spikerdi saylarda eks-prezidenttiñ wsınısın eskergen siyaqtı.

Nazarbaev äuletine qwda retinde tuıstıq baylanısı bar Ortalıq saylau komissiyasınıñ törağası Berik Imaşev mäjilis jetekşisin saylau jiınında moderator boldı. Bar bolğanı bir ğana kandidat wsınıldı. On jıldan astam uaqıt Nazarbaevqa jaqın basşılıq qızmetterinde bolğan Nığmatullindi Nur Otan frakciyasınıñ müşesi Darhan Mıñbay bastağan birneşe deputat asıp ta, tögip te maqtay söyledi. Jaña qızmetine sener-senbesin bilmey aptığıp jürgen deputattar jasırın dauıs beru arqılı birauızdan Nwrlan Nığmatulindi spiker etip sayladı.

Bwl da Nazarbaevtıñ beysenbidegi tilegi bolatın. Ol mäjilis törağasına Nwrlan Nığmatulindi, al vice-spikerlikke Balayım Kesebaeva men Pavel Kazancevti wsınğan edi. Aytqanı ayday kelip, wsınıs ta, şeşim de eş şaşausız iske astı.

Pandemiya alğaş jariyalanğan kezde Ükimettiñ köktemgi bağdar-boljamı qate, qamdanısı jetkiliksiz bolğandıqtan, el auır jağdayğa wşıradı. İndet örşip, qaza ädetten köbeyip, mıñdağan qazaqstandıq ömirden ötken «mausım-şilde qırğını» esimizde. Bıltır şildede (10-ı jäne 18-i künderi) Toqaev  barlıq sala boyınşa jağdayğa dayın bolmay şıqqan «ükimet müşeleri de, äkimder de «toqmeyilsudiñ, masayraudıñ qaqpanına tüskenin» aytıp,  olardıñ jwmısın qatañ sınğa alğan. Ol ornı tolmas şığın-qayğığa jetkizgen «ükimettiñ käsibi şeberliginiñ kemdiginen» körip edi. Tipti jağdaydı uıstan şığarıp alğan ükimetke otstavka turalı eskertu jasap, mäseleni şeşuge eki apta uaqıt bergen. Degenmen küzden beri Toqaev Mamin men onıñ ministrler kabinetiniñ jwmısın jii maqtap, jağımdı pikir bildirip keledi.

"The Qazaq Times"