Mädeniet jäne sport ministri Aqtotı Rayımqwlova qatarında otstavkadan oralğan Ğabidolla Äbdirahımov bar komandasımen birge brifingte. 14 säuir 2021 jıl. Astana. Foto: QR OKQ

Jwma, 14 mamır OrtKom alañında halıqqa esep berip kezdesu ötkizgen mädeniet jäne sport ministri Aqtotı Rayımqwlova tilşiniñ qoyğan saualına orınbasarınıñ kinäsi sotta däleldense, otstavkağa ketetinin aytıp jauap berdi.

Qañtar ayınıñ soñında mädeniet jäne sport vice-ministri Säken Mwsaybekovtiñ «öz erkimen» qızmetinen ketkeni habarlanğan. Artınşa onıñ «jemqorlıq küdigine» ilinip wstalğanı turalı habar tarağan.

«Konstituciyağa säykes, kinäsizdik prezumpciyası bar jäne kinä däleldenui tiis. Eger onıñ kinäsi däleldense, zañğa säykes men otstavkağa ketu turalı ötiniş beremin» dedi Rayımqwlova esep beru jiını kezinde.

Qazaqstanda «Memlekettik qızmet turalı» zañğa säykes, memlekettik qızmetker jemqorlıqpen wstalsa, onıñ basşısı otstavkağa ketui tiis.

Biraq bwl ğana emes, bıltır köktemde 2019 jılı jazda Wlttıq kinonı qoldau memlekettik ortalığınıñ basşısı bolıp tağayındalğan Gülnär Särsenova jemqorlıq qılmısı boyınşa küdikke ilinip, tergeuge alınğan. Särsenova osı qızmetinde 400 mln asa qarajattı «asadı» degen sebeppen qılmıstıq is qozğala sala jasağına «ökinip» memleket qarajatın qaytarıp berdi. Osılayşa jazadan oñay da jeñil aynalıp ötti. Sonımen qosa, ol kinogerler tarapınan memleket bölgen qarjınıñ tügel derligin kommerciyalıq jobalarğa baylap berdi dep te qattı sınalğan. Ministr özi tağayındap, jıl ötpey bası dauğa qalğan eski äriptesi jöninde aşıp eşteñe aytpadı.

Mädeniet salasındağı memleket qarjısın talan-tarajğa salatındar az emes. Osığan deyin Aqtaudağı Nwrmwhan Jantörin atındağı oblıstıq muzıkalıq drama teatrdıñ bwrınğı direktorı Nwrniyaz Mwqanov qızmettik lauazımın asıra paydalanıp, jwmıs istemeytin tanısınıñ esepşotına bir jıldan asa uaqıt boyı zañsız jalaqı audarıp, byudjetke 1,4 mln teñge şığın keltirgen. Odan ilgeri elordada ornalasqan M.Gor'kiy atındağı akademiyalıq oblıstıq drama teatrınıñ eks-direktorı da jöndeu jwmısına bölingen qarajattı jımqırdı degen ayıppen qızmetten şettetilse, osıdan biraz bwrın astananıñ Mädeniet jäne sport basqarmasınıñ eks-basşısı Nwrlan Sıdıqov, M.Äuezov teatrınıñ bwrınğı direktorı Erlan Biläl da paramen wstalıp, qılmıstıq jauapkerşilikke tartılğan. Biraq osı jayttardıñ birde-birinde joğarı basşı otstavkağa ketken joq.

Däl osı astanada mädeniet basqarmasınıñ basşısı Sadıqovtıñ sotınan keyin äkim orınbasarı Baqtiyar Mäken otstavkağa jazğan kezinde äkim Altay Kölginov ötinişin qabıldamay, oğan qatañ sögis jariyalaumen şektelgen. Sarapşılar men sayasattanuşılardıñ bir böligi Toqaevtıñ bwl şeşimin «közboyauşılıq» deñgeyindegi «jalğan reforma» retinde esepteydi.

«Senimnen ketti» degen sögispen 2019 jılı Şımkent äkimi qızmetinen alınğan Ğabidolla Äbdirahımov biıl qañtarda mädeniet jäne sport vice-ministri bolıp tağayındaldı. Qazaqstanda jwmısına qoğam qırın qarap ne joğarı basşılıqqa jaqpağan keyipte ornınan ketip, keyinnen tipti biik lauazımğa baratın şeneunikter az kezdespeydi. Sonıñ bir parasın Azattıq radiosınıñ şoluınan köruge boladı.

"The Qazaq Times"