Foto: primeminister.kz

Qazaqstan Respublikası Prem'er-Ministriniñ resmi saytında QR ükimet basşısı B. Sağıntaevtıñ säuirdiñ 10 küninen bergi atqarğan is-şaraların qamtığan "Aptanıñ ayşıqtı oqiğaları" attı №29 videodaydjest jariyalandı.

Düysenbi küni, 10 säuirde QR Prem'er-Ministri B. Sağıntaevtıñ törağalığımen ötken QR Ükimetiniñ kezekti otırısında elimizde memlekettik menşik jäne kvazimemlekettik sektor nısandarın jekeşelendirudi jürgizu mäseleleri, sonımen qatar 2017-2021 jıldarğa arnalğan Önimdi jwmıspen qamtu jäne jappay käsipkerlik bağdarlamasın iske asıru mäseleleri talqılandı.
Memleket basşısı N. Nazarbaevtıñ tapsırmasımen QR Prem'er-Ministri B. Sağıntaev 11-14 säuir aralığında jwmıs saparımen Amerika Qwrama Ştattarına bardı. Ondağı bastı maqsat - älemdik innovaciyalıq köşbasşılar qatarındağı kompaniyalardıñ basşılarımen kezdesuler ötkizip, ıntımaqtastıq mümkindikterin talqılau, sonımen qatar olardı Qazaqstan ekonomikasınıñ üşinşi jañğırtıluına qatısuğa şaqıru.
Sapar ayasında QR Prem'er-Ministri B. Sağıntaev Citigroup, Mastercard, Berkley, Morgan Stanley, BlackRock, Goldman Sachs sekildi AQŞ-tıñ asa iri qarjı instituttarınıñ basşılarımen jäne Moody’s, Standard&Poor, Roubini, Lafahl, Fitch, Greylock Capital, American International Group, Guggenheim International, Aliance Bernstein, Public Capital Advisors, Business Council of International Understanding sekildi halıqaralıq sarapşılar qoğamdastıqtarımen birqatar kezdesuler ötkizdi.
Seysenbi küni, 11 säuirde Qazaqstan Prem'er-Ministri N'yu-Yorktiñ eks-merleri Rudol'f Djuliani men Maykl Blumbergpen kezdesti.
Baqıtjan Sağıntaev Scuareed Capital, General Electric, Grace, Robotti&Company Advisors, AGCO, AES, Black and Veatch, American Industrial Acquisition Corporation sekildi AQŞ-tıñ jetekşi kompaniyalarınıñ basşılarımen kezdesip, olarmen özara tiimdi ıntımaqtastıq bağıttarı men Qazaqstan ekonomikasına investiciyalar, innovaciyalar jäne jaña tehnologiyalardı tartu mümkindikterin talqıladı.
OSI Systems, Pfizer, GE Transportation kompaniyalarımen elimizdegi tehnologiyalıq jabdıqtau öndirisine investiciyalar tartu turalı, al Rahal Foods kompaniyasımen organikalıq azıq-tülik önimderi öndirisin retke keltiru turalı uağdalastıqqa qol qoyıldı.
Särsenbi küni, 12 säuirde San-Francisko qalasında QR Prem'er-Ministri B. Sağıntaev «Project: Collider» tehnologiyalıq forumına qatıstı.
Sonday-aq, San-Francisko qalasında QR Prem'er-Ministri B. Sağıntaev Kremniy alqabınıñ Innovaciyalıq ortalığına bardı. Ortalıq basşılığımen kezdesu barısında Kremniy alqabında Qazaqstan Ökildigin aşu turalı uağdalastıqqa qol jetkizildi.
Prem'er-Ministr «Chevron», «Cisco», «Tesla Motors», «IBM», «Pfizer», «Plug and Play Tech Center», «Jabil», «Autodesk», «Microsoft», «Google», «Uber», «Robomatter Inc.», «Learn Capital», «Bridge West Group», «Sound Hound», «DFJ», «Innovaciyalıq ortalıq» sekildi jetekşi kompaniyalardıñ keñselerine bardı, onda İT-tehnologiyalar, maşina jasau, energetika, telekommunikaciya, bilim beru, densaulıq saqtau salalarındağı ıntımaqtastıq mäseleleri talqılandı. Ekijaqtı qarım-qatınastı keñeytu maqsatımen «Cisco», «IBM», «Autodesk» jäne «GVA Capital» kompaniyalarımen özara tiimdi ıntımaqtastıq turalı memorandumdarğa qol qoyıldı.
Senbi küni, 15 säuirde Astana qalasında QR Prem'er-Ministri Baqıtjan Sağıntaev Üşinşi jañğırtu ayasında densaulıq saqtau jüyesin jetildiru jöninde keñes ötkizdi.

Keñes barısında elimizde mindetti äleumettik medicinalıq saqtandıru jüyesin engizu mäseleleri talqılandı.

“The Qazaq Times”