ۇكىمەت باسشىسىنىڭ وتكەن اپتادا اتقارعان شارۋالارى (ۆيدەودايدجەست)

قازاقستان رەسپۋبليكاسى پرەمەر-ءمينيسترىنىڭ رەسمي سايتىندا قر ۇكىمەت باسشىسى ب. ساعىنتاەۆتىڭ ءساۋىردىڭ 10 كۇنىنەن بەرگى اتقارعان ءىس-شارالارىن قامتىعان "اپتانىڭ ايشىقتى وقيعالارى" اتتى №29 ۆيدەودايدجەست جاريالاندى.

دۇيسەنبى كۇنى، 10 ساۋىردە قر پرەمەر-ءمينيسترى ب. ساعىنتاەۆتىڭ توراعالىعىمەن وتكەن قر ۇكىمەتىنىڭ كەزەكتى وتىرىسىندا ەلىمىزدە مەملەكەتتىك مەنشىك جانە كۆازيمەملەكەتتىك سەكتور نىساندارىن جەكەشەلەندىرۋدى جۇرگىزۋ ماسەلەلەرى، سونىمەن قاتار 2017-2021 جىلدارعا ارنالعان ءونىمدى جۇمىسپەن قامتۋ جانە جاپپاي كاسىپكەرلىك باعدارلاماسىن ىسكە اسىرۋ ماسەلەلەرى تالقىلاندى.
مەملەكەت باسشىسى ن. نازارباەۆتىڭ تاپسىرماسىمەن قر پرەمەر-ءمينيسترى ب. ساعىنتاەۆ 11-14 ءساۋىر ارالىعىندا جۇمىس ساپارىمەن امەريكا قۇراما شتاتتارىنا باردى. ونداعى باستى ماقسات - الەمدىك يننوۆاتسيالىق كوشباسشىلار قاتارىنداعى كومپانيالاردىڭ باسشىلارىمەن كەزدەسۋلەر وتكىزىپ، ىنتىماقتاستىق مۇمكىندىكتەرىن تالقىلاۋ، سونىمەن قاتار ولاردى قازاقستان ەكونوميكاسىنىڭ ءۇشىنشى جاڭعىرتىلۋىنا قاتىسۋعا شاقىرۋ.
ساپار اياسىندا قر پرەمەر-ءمينيسترى ب. ساعىنتاەۆ Citigroup, Mastercard, Berkley, Morgan Stanley, BlackRock, Goldman Sachs سەكىلدى اقش-تىڭ اسا ءىرى قارجى ينستيتۋتتارىنىڭ باسشىلارىمەن جانە Moody’s, Standard&Poor, Roubini, Lafahl, Fitch, Greylock Capital, American International Group, Guggenheim International, Aliance Bernstein, Public Capital Advisors, Business Council of International Understanding سەكىلدى حالىقارالىق ساراپشىلار قوعامداستىقتارىمەن بىرقاتار كەزدەسۋلەر وتكىزدى.
سەيسەنبى كۇنى، 11 ساۋىردە قازاقستان پرەمەر-ءمينيسترى نيۋ-يوركتىڭ ەكس-مەرلەرى رۋدولف دجۋلياني مەن مايكل بلۋمبەرگپەن كەزدەستى.
باقىتجان ساعىنتاەۆ Scuareed Capital, General Electric, Grace, Robotti&Company Advisors, AGCO, AES, Black and Veatch, American Industrial Acquisition Corporation سەكىلدى اقش-تىڭ جەتەكشى كومپانيالارىنىڭ باسشىلارىمەن كەزدەسىپ، ولارمەن ءوزارا ءتيىمدى ىنتىماقتاستىق باعىتتارى مەن قازاقستان ەكونوميكاسىنا ينۆەستيتسيالار، يننوۆاتسيالار جانە جاڭا تەحنولوگيالاردى تارتۋ مۇمكىندىكتەرىن تالقىلادى.
OSI Systems, Pfizer, GE Transportation كومپانيالارىمەن ەلىمىزدەگى تەحنولوگيالىق جابدىقتاۋ وندىرىسىنە ينۆەستيتسيالار تارتۋ تۋرالى، ال Rahal Foods كومپانياسىمەن ورگانيكالىق ازىق-تۇلىك ونىمدەرى ءوندىرىسىن رەتكە كەلتىرۋ تۋرالى ۋاعدالاستىققا قول قويىلدى.
سارسەنبى كۇنى، 12 ساۋىردە سان-فرانتسيسكو قالاسىندا قر پرەمەر-ءمينيسترى ب. ساعىنتاەۆ «Project: Collider» تەحنولوگيالىق فورۋمىنا قاتىستى.
سونداي-اق، سان-فرانتسيسكو قالاسىندا قر پرەمەر-ءمينيسترى ب. ساعىنتاەۆ كرەمني القابىنىڭ يننوۆاتسيالىق ورتالىعىنا باردى. ورتالىق باسشىلىعىمەن كەزدەسۋ بارىسىندا كرەمني القابىندا قازاقستان وكىلدىگىن اشۋ تۋرالى ۋاعدالاستىققا قول جەتكىزىلدى.
پرەمەر-مينيستر «Chevron»، «Cisco»، «Tesla Motors»، «IBM»، «Pfizer»، «Plug and Play Tech Center»، «Jabil»، «Autodesk»، «Microsoft»، «Google»، «Uber»، «Robomatter Inc.»، «Learn Capital»، «Bridge West Group»، «Sound Hound»، «DFJ»، «يننوۆاتسيالىق ورتالىق» سەكىلدى جەتەكشى كومپانيالاردىڭ كەڭسەلەرىنە باردى، وندا ءىت-تەحنولوگيالار، ماشينا جاساۋ، ەنەرگەتيكا، تەلەكوممۋنيكاتسيا، ءبىلىم بەرۋ، دەنساۋلىق ساقتاۋ سالالارىنداعى ىنتىماقتاستىق ماسەلەلەرى تالقىلاندى. ەكىجاقتى قارىم-قاتىناستى كەڭەيتۋ ماقساتىمەن «Cisco»، «IBM»، «Autodesk» جانە «GVA Capital» كومپانيالارىمەن ءوزارا ءتيىمدى ىنتىماقتاستىق تۋرالى مەموراندۋمدارعا قول قويىلدى.
سەنبى كۇنى، 15 ساۋىردە استانا قالاسىندا قر پرەمەر-ءمينيسترى باقىتجان ساعىنتاەۆ ءۇشىنشى جاڭعىرتۋ اياسىندا دەنساۋلىق ساقتاۋ جۇيەسىن جەتىلدىرۋ جونىندە كەڭەس وتكىزدى.

كەڭەس بارىسىندا ەلىمىزدە مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ ماسەلەلەرى تالقىلاندى.

“The Qazaq Times”