Körneki suret. Almatı äuejayındağı oqu-jattığu sätinen. 24 qañtar 2020 jıl. Foto: Informburo.kz. / Almaza Töleke

Naurız ayında elde anıqtalğan 16 mıñ nauqastıñ şirek böligi tirkelgen Almatı qalasında britan, oñtüstikafrikalıq jäne braziliya ştamdarı tabıldı.

Bwl turalı densaulıq saqtau ministrli Aleksey Coy 19 naurız tüste Facebook jelisindegi paraqşasında jazdı. Onıñ aytuınşa, Ükimet DDSW-men birge Covid-19 ştamdarın anıqtaytın ekspress PTR-skriningtiñ jaña ädistemesin qolğa alğan.

«Biıl 17 naurızda Wlttıq qoğamdıq densaulıq saqtau ortalığı filialınıñ referens-zerthanası Almatı qalasındağı nauqastardan alınğan zerthanalıq ülgilerdi zerdeledi. Zertteu nätijesi «Britan», «Oñtüstik Afrika», «Braziliya» ştamdarına wqsas boljaldı mutaciya anıqtaldı», – dedi ministr.

Ol bir ay işinde tolıq genomdıq sekvenirleu ayaqtalğannan keyin mutaciyanıñ osı ştamdarğa jatar-jatpasın naqtılauğa uäde berdi.

«Koronavirustıñ aldın alu jäne mutaciyanı emdeu şaraları qoldanıstağı täsilderge wqsas. Bwl maska rejimin jäne äleumettik araqaşıqtıqtı saqtap, adam köp jinalatın orındarğa barmau, sonday-aq halıqtı jappay vakcinaciyalau. N.F.Gamaleya atındağı epidemiologiya jäne mikrobiologiya ğılımi-zertteu ortalığınıñ mälimetinşe, qazir Qazaqstanda qoldanılatın Gam-KOVID-Vak (Sputnik V) vakcinasınıñ «Britandıq» ştamğa tötep beretini däleldengen», – dep tolıqtırdı Aleksey Coy.

Keyingi eki jarım aptada bir ğana Almatı qalasında 4 mıñğa tarta nauqas tirkelip ülgerdi. Qalada naurız ayınıñ alğaşqı dekadasında täuligine jüzden kem emes jağday tirkeldi, 10-ınan beri bwl san eselenip ösude. Sonday-aq, sırqattar köbeygen aymaqtar qatarında astana (2468) jäne Almatı (1332), Qarağandı (1177), Aqmola (1129), Pavlodar (1100), Batıs Qazaqstan (1081) oblıstarı bar. Osı sebepti astana men Almatıda karantin şarası küşeytilip, demalıs küni birqatar nısandardıñ jwmısına tıyım salınıp, qoğamdıq kölikterdiñ grafigi şekteldi.

Naurız ayınıñ eki jarım aptasında 16,5 mıñ (KVI+ 15 786, KVI- 696) keys anıqtalğan. Almatıda naurız ayı bastalğalı beri 237 äue reysi arqılı 3759 jolauşı PTR testiniñ anıqtamasınsız kelgen. Osını alğa tartqan keybir sarapşılar halıqaralıq äue reysterin jii qabıldaytın qaladağı ahualdıñ birden uşığuın şetelden jaña ştamm kelui mümkin degen dolbarmen baylanıstıradı. Aleksey Coy men Jandarbek Bekşin bwğan qatıstı genomdıq zertteu jalğasıp jatqanın mälimdegen. Ötken ükimet otırısında ministr bıltır qırküyek jäne biıl qañtar aylarınıñ aralığında auırğandardıñ taldau materialdarına genomdıq zertteu jürgizilgenin jäne onda birde-bir böten ştamm tabılmağanın mälimdegen edi.

Elde qañtar ayınıñ ekinşi jäne aqpan-naurız aylarınıñ alğaşqı jartısında nauqastar kürt köbeydi. Mäselen, koronavirus pen osığan wqsas pnevmoniyanı qosa eseptegende ötken beysenbi 954, jwma 1054, senbide 1058, jeksenbi 1018, osı düysenbi 1033, seysenbi 1139, särsenbide 1236 nauqas anıqtalğan.