Körneki suret. Foto: pixabay.com

Keyingi kezde salıq organdarınıñ «sayasi astarlı qısımına» wşıradıq degen MediaNet Halıqaralıq jurnalistika ortalığına qatıstı äkimşilik is toqtatıldı.

Bwl jöninde ortalıq direktorı Ädil Jalilov mälimdedi. Wyım salıq qızmeti ökilderiniñ zañsız äreketine baylanıstı şağım boyınşa sotı jalğastıradı.

«Biz sanalı aqıldıñ üstemdik qwrğanına rizamız. Bizdi jauapqa tartuğa tırısqan bwl zañ – absurd. Bwl  Reseydiñ şeteldik agentter turalı zañına wqsaydı, 1937 jılğı repressiyanıñ köleñkesi. Tap osı  jağdayda memlekettiñ keri qaytarğanına quanıştımız, endi täuelsiz wyımdarğa qatıstı barlıq ister toqtauı kerek. Sonımen qosa, salıq organdarınıñ äreketsizdigi turalı şağım boyınşa sotqa jüginudi jalğastıramız. Eñ bolmağanda, zañnıñ saqtaluı üşin soñına deyin baruımız tiis», – deydi Jalilov Vlast.kz redakciyasına bergen pikirinde.

Ol söz arasında salıq organdarına «joğarıdan» tapsırma berilgenin aytap ötti :

«Şındap kelgende, salıq organdarın tüsinemin. Öytkeni joğarıdan osınday pärmen berilgen. Olar taqqan ayıptıñ sonşalıq absurd ekenin, köptegen zañ bwzuşılıqtarğa barğanın özderi tüsinetini anıq bilinip twr. Meniñşe, salıq organdarı «absurd äkimşilik istiñ» auırtpalığınan qwtılğanına quanğan da bolar. «Suıq aqıl» jeñer dep ümittenemin. Bizdi qoldağan barlıq jurnalister men halıqaralıq wyımdarğa zor alğıs bildiremiz», – dep tüyindedi.

Osımen qatar, MediaNet ortalığı men oğan qarastı Factcheck.kz saytı arnayı mälimdeme tarattı:

«Bügin MediaNet Halıqaralıq jurnalistika ortalığına qatıstı qozğalğan äkimşilik is jürgizu toqtağanın quanışpen habarlaymız! Özderiñiz biletindey o basta Zañ men ädildiktiñ biz jaqta ekenine senimdi boldıq. MediaNet – barlıq Zañdardı saqtaytın wyım. Biz özimizdiñ täuelsizdigimiz ben demokratiyalıq qwndılıqtarımızğa adalmız jäne adal bolıp qala beremiz. Bizdi qoldap, qoltığımızdan demegen barşañızğa alğısımız şeksiz!»

Qañtar ayınıñ soñında adam qwqıqtarın qorğaumen jäne azamattıq ispen aynalısatın jeti birdey qoğamdıq wyım salıq qızmetiniñ tarapınan qısım jasalğanın jariyalağan. Saylau qarsañı men jıl basında wyımdarğa keyingi birneşe jıldağı salıq esebiniñ 17 jäne 18 formaların toltıru kezinde bwzuşılıqtar bolğanı jaylı habarlama jiberilgen. Saldarınan ükimettik emes wyımdarğa, sonıñ qatarında «Eho» men «Halıqaralıq qwqıqtıq bastama» wyımınıñ ärqaysına 400 AEK (1 166 800 teñge) köleminde ayıppwl salınıp, üş ayğa qızmeti toqtatılğan. Tağı biri Qazaqstandağı Adam qwqığı jäne zañdılıqtı saqtau halıqaralıq byurosına 800 AEK (2 333 600 teñge) mölşerinde ayıppwl kesilip, qızmeti 3 ayğa toqtadı. Saylau barısın baqılaytın «Erkindik qanatı» wyımına 100 AEK (277 800 teñge) şamasında ayıppwl salınğan. Osılayşa tört qana beyükimettik wyımğa kesilgen ayıppwl kölemi 5 million teñgege juıqtağan.

«Biliktiñ tıqırı tayağanın» dabıl qağa eskertken MediaNet halıqaralıq jurnalistika ortalığı men Ortalıq Aziyadağı faktilerdi tekseru boyınşa alğaşqı resurs Factcheck.kz saytına da 5,5 million teñge ayıppwl salu jäne birneşe ayğa jwmısın şekteu qaupi töngen. Qoğamdıq wyımdardıñ qısımğa saylau qarsañında wşırağanın aytqan aqparat qwralı mwnı «sayasi qısım» dep bağalağan.

"The Qazaq Times"