Foto: static.mk

Qıtayda koronavirustıñ şığu tegin zertteuge barğan Düniejüzilik densaulıq saqtau wyımınıñ mamandarı ötken ayda 2 aptağa karantinge jabıldı. 28 qañtarda ğana karantinnen şıqqan mamandar Uhan'ğa, keyinnen osı qaladağı teñiz önimderi bazarına bardı. Olardıñ maqsatı – koronavirustıñ şığu sebebin anıqtau. Alayda, zertteuşilerdiñ är qadamın Qıtay biligi qatañ baqılap otır.

Beyjiñ 2,1 million adamnıñ ömirin qiğan virustıñ payda boluın zerttegisi kelgen halıqaralıq toptıñ wsınısın narazı küyde qabıldağan. Halıqaralıq ğalımdar tobına qoyğan talaptarı üşin jäne türli boljamdı alğa tartıp, ayıptan jaltaruğa tırısqanı üşin de Qıtay sınğa wşıradı.

Uhan' virusologiya institutı 2003 jılı Qıtaydan köptegen elderge taralğan SARS pandemiyasınan beri jarqanattar koronavirustarınıñ genetikalıq ülgileriniñ keñ mwrağatın saqtap otır. DDSW tobınıñ müşeleri osı zerthanalıq jurnaldarmen, mälimettermen tanısudan, kişi jäne ağa zertteuşilermen kezdesuden, sonday-aq sınamalardı jinau, saqtau, taldau turalı qauipsizdik hattamaların zertemek.

Osı aptada wyım mamandarı Uhan'dağı «koronavirus tarağan» bazarğa bardı. Biraq, sarapşılar Qıtay ükimeti Huanan' bazarın da tolıqtay sanitarlıq tazalaudan ötkizgenin eskersek, mwnda kornonavirustıñ qalay taralğanı turalı aqparat jinau qiınğa soğuı mümkin deydi.

Uhaniñ jaña böliginde ornalasqan Huanan' teñiz önimderi bazarında tiri qwstardan bastap balıq, bauırımen jorğalauşılar, tipten jabayı añdarğa deyin satılğan. Biraq 2019 jılı jeltoqsannıñ soñğı aptalarında virustıñ örşui turalı eskertuler küşeygen kezde därigerler aldımen jaña zañdılıqqa nazar audardı – pacientterdiñ köpşiligi Huanandağı teñiz önimderi bazarında jwmıs istegen. 31 jeltoqsanda Uhan' Densaulıq saqtau komissiyası Beyjiñge alğaşqı resmi esepti wsındı. Kelesi küni bazar karantinge jabıldı.

Bazardağı adamdardan da, tiri januarlardan da alınğan COVID-19 sınamaları oñ nätije bergenin eskeruimiz kerek. Alayda Uhan'dağı medicina mamandarınıñ aytuınşa, adamdar arasında koronavirustıñ eñ birinşi jağdayı indet tolıq taramay twrıp tört apta bwrın anıqtalğan. Qıtay ükimeti resmi mälimet retinde wsınğan alğaşqı derek 1 jeltoqsanda tirkelgen.

"The Qazaq Times"