Foto: https://kaluga

Älemde koronavirus jwqtırğandar sanı 23 million adamnan asıp, 805 mıñğa juıq adam qaytıs bolğan. Virus deregi tirkelgender sanı artıp, Latın Amerikası, Europa, Aziyanıñ birqatar elderinde antirekord ornağan.

Osı aptada Düniejüzilik densaulıq saqtau wyımı (DDSW) 12 jastan asqan balalar men eresekter mindetti türde maska tağuı tiis dep habarladı. Sonımen qatar halıqaralıq wyım ökilderiniñ boljauınşa, pandemiya eki jılda ayaqtaladı. DDSW sarapşısı Mariya Van Kerkhove: «Infekciyanıñ jas erekşeligine baylanıstı taraluın anıqtaytın zertteuler jürgizildi. Mısalı, 5 pen 10 jasqa deyin jäne jetkinşekter men orta jastağı adamdar tekserildi. Bwl jwmıstar äli de jalğasıp jatır. Nätijesinde virus adamdardıñ jas erekşeligine baylanıstı är türli taralatın körinedi», – deydi.

Germaniya men Italiyada virus deregi arttı. Virus jwqtırğandardıñ basım böligi Germaniyanıñ batısı men oñtüstiginde, Berlinde tirkelgen. COVID-19 pandemiya dep jariyalanğan uaqıttan bastap koronaviruspen 232 082 adam auırıp, odan 9267 adam köz jwmğan. Al Italiya densaulıq saqtau ministrligi soñğı täulikte mwnda koronavirus jwqtırudıñ jaña 1071 oqiğası tirkelgenin ayttı.

Ukrainanıñ bwrınğı prem'er-ministri YUliya Timoşenkonıñ koronavirus jwqtırıp, auır halde auruhanağa tüsken. Oppoziciyalıq partiya jetekşisinen bölek, indetti onıñ qızı men küyeu balası da jwqtırğan. Elde 105 mıñ adam virus jwqtırğan. Kievte bir künde 307 jaña oqiğa tirkelip, täuliktik antirekord ornadı.

Oñtüstik Koreyada naurızben salıstırğanda, aurudıñ eñ joğarı täuliktik körsetkişi tirkeldi. Seuldegi şirkeude 800-den astam adamnıñ dertke şaldıqqanı mälim boldı. Jergilikti basılımdar epidemiyanıñ ekinşi tolqını kele jatqanın jäne onıñ saldarı birinşige qarağanda äldeqayda auır bolatının jazdı.

Ündistanda üş millionnan astam COVID-19 deregi tirkeldi. Sarapşılardıñ pikirinşe, elde jappay testileu jüyesiniñ ornatılmauına baylanıstı qauipti dertke şaldıqqandar sanı kün sanap artıp baradı. Delidegi jäne basqa da iri qalalardağı statistika azayğnmen, eldiñ şalğay audandarında jaña oşaqtar payda boluda.

Qazirgi uaqıtta Latın Amerikası virustıñ oşağına aynalğan. Bir ğana Braziliyada 4 millionğa juıq derek tirkelse, 115 mıñ ajdam ajal qwşqan. Osı rette Braziliyadağı San-Paulu universiteti Medicinalıq mektebiniñ jäne Omni-electronica startapınıñ zertteuşileri jaña koronavirustıñ ülgilerin auada jinauğa mümkindik beretin tehnologiyanı jasap şığardı. Spiri atauına ie bolğan qwrılğı bwrın da bar bolatın. Onı startaptıñ negizin qalağan universitettiñ Politehnikalıq mektebiniñ bwrınğı studentteri jasağan. Qwrılğınıñ äueldegi maqsatı ğimarat işindegi aua sapasın bağalau bolatın. Eki ay boyı zertteuşiler jergilikti auruhanalardıñ işindegi auağa saraptama jürgizgen.

Qazaqstanda epidemiya bastalğalı barlığı 104 718 adamnıñ koronavirus infekciyasın jwqtırğanı anıqtaldı. Ay bastalğalı COVID-19 klinikası bar 22 744 pnevmoniya, 258 ölim jağdayı tirkeldi. Resmi statistikağa sensek, osı uaqıt aralığında auırğandardıñ 4519-ı ayıqqan.

Özbekstanda 40 mıñğa juıq adam dertke şaldıqsa, Qırğızstanda täulik işinde 134 adamnan koronavirus anıqtalğan. Elde koronavirus bastalğannan beri 1 mıñ 56 adam osı qauipti dertten köz jwmğan.

"The Qazaq Times"