Ekonomiknıñ qajetine oray karantin şaraları jeñildegennen keyin, älemniñ köptegen elderinde covid-19 virusın jwqtırğandar sanı kürt ösip şığa keldi. Olardıñ qatarında Europadan 11 memleketpen birge Qazaqstandı qamtığan postkeñestik elder köbirek. Qazir Düniejüzilki Densaulıq saqtau wyımı Qazaqstandağı jağdaydan alañdap otır.

Ukraina, Moldova, Armeniya, Azirjayjan, Qırğızstan jäne Qazaqstan sekildi postkeñestik elderde indet jağdayı kürt auırlap ketti. Al, Europada Şveciya, Soltüstik Makedoniya, Albaniya, Bosniya, Gercegovina jäne Kosova qatarlı elder bar. DDW atalğan elder şwğıl şara körmese Europanıñ Densaulıq saqtau tarmaqtarı qaytadan qauipke qaladı dep eskertti.

Körip otırğandarıñızday, indet bwdan bwrın ekonomikalıq äleumetti elderde joyqın apat bolsa, endi ekonomikası kenjelegen elderdiñ alqımınan alıp jatır. Qazaqstandağı jağday DDW-nıñ nazarın audartarlıq deñgeyde.

Karantin şaraları bosay sala elimizdegi indet jağdayı auırlap ketti. Är aptasına indet körsetkişterinde rekordtardıñ ornap jatuı qauipsizdikke baylanıstı qorqınıştardı küşeytti. Onıñ sebebi jayında türli joramaldar aytılıp, jazılıp, körsetilip jatır. Ne degenmen de el azamattarınıñ jekelegen jauapkerşiligi men tanımına barıp tirelip otır.

“The Qazaq Times”