Ädettegi tımau virusın bir ret jwqtırıp jäne odan jazılıp ketken adam keyin qaytalay sol virusqa şaldıqpaytını köp aytıladı. Sebebi, adam denesinde sol virusqa qarsı immuniettiñ payda bolatını qarapayım biologiyalıq sauatı bar adamnıñ bärine tüsinikti. Alayda, külli älemdi üreyge salğan Covid-19 bwl zañdılıqqa bağına ma?

Koronavirustan zardap şegip jatqan elderde infekciyadan saqayıp ketken nauqastardıñ qaytalay infekciyağa şaldığuı köbirek tirkeldi. Ispaniyadağı mälimet boyınşa jazılıp ketkenderdiñ 14 payızı qaytalay qorqınıştı indetpen auırğan. Bwl jağday Japoniya men AQŞ jerinde detirkeldi. Bwl indetke qarsı kürestiñ auır bolatının körsetkendey.

Ispaniyanıñ Wlttıq Biotehnologiya ortalığınıñ mälimetine qarağanda virus adamğa ekinşi ret te jwğadı nemese denedegi virus 3 ayğa deyin saqtalıp, immunitet älsiregen kezde virus qayta küşeyedi.
Ädette infekciyağa qarsı bir retki emdeu şarası sol indetten ömir boyı qorğau mümkin. Aytalıq, qızılşağa qarsı bir retki vakcina sol auırudan ömir boyı qorğaydı.

Medicina mamandarın alañdatıp otırğanı Covid-19 qısqa uaqıt işinde qayta küş alıp ketedi. Oğan qosa ol gripp sekildi infekciyalarğa salıstırğanda köp mutaciya bolmaydı. Zertteuşiler atalğan jaña koronavirus birjolata joğalıp ketuden bwrın uaqıtılı küşeyip otıratının aytadı. Ärine, bwl da qazirşe teoriya jüzinde. Onı tolıq däleldeu üşin qosımşa zertteulerdi qajet etedi.

Zerttermender älemdi dürliktirgen bwl infekciya jayında kün sayın jaña mälimet jinauda. Sonıñ özinde medicina mamandarın tañqaldırğan keybir swraqtarğa äli de jauap joq.

"The Qazaq Times"