ادەتتەگى تىماۋ ۆيرۋسىن ءبىر رەت جۇقتىرىپ جانە ودان جازىلىپ كەتكەن ادام كەيىن قايتالاي سول ۆيرۋسقا شالدىقپايتىنى كوپ ايتىلادى. سەبەبى، ادام دەنەسىندە سول ۆيرۋسقا قارسى يممۋنيەتتىڭ پايدا بولاتىنى قاراپايىم بيولوگيالىق ساۋاتى بار ادامنىڭ بارىنە تۇسىنىكتى. الايدا، كۇللى الەمدى ۇرەيگە سالعان Covid-19 بۇل زاڭدىلىققا باعىنا ما؟

كوروناۆيرۋستان زارداپ شەگىپ جاتقان ەلدەردە ينفەكتسيادان ساقايىپ كەتكەن ناۋقاستاردىڭ قايتالاي ينفەكتسياعا شالدىعۋى كوبىرەك تىركەلدى. يسپانياداعى مالىمەت بويىنشا جازىلىپ كەتكەندەردىڭ 14 پايىزى قايتالاي قورقىنىشتى ىندەتپەن اۋىرعان. بۇل جاعداي جاپونيا مەن اقش جەرىندە دەتىركەلدى. بۇل ىندەتكە قارسى كۇرەستىڭ اۋىر بولاتىنىن كورسەتكەندەي.

يسپانيانىڭ ۇلتتىق بيوتەحنولوگيا ورتالىعىنىڭ مالىمەتىنە قاراعاندا ۆيرۋس ادامعا ەكىنشى رەت تە جۇعادى نەمەسە دەنەدەگى ۆيرۋس 3 ايعا دەيىن ساقتالىپ، يممۋنيتەت السىرەگەن كەزدە ۆيرۋس قايتا كۇشەيەدى.
ادەتتە ينفەكتسياعا قارسى ءبىر رەتكى ەمدەۋ شاراسى سول ىندەتتەن ءومىر بويى قورعاۋ مۇمكىن. ايتالىق، قىزىلشاعا قارسى ءبىر رەتكى ۆاكتسينا سول اۋىرۋدان ءومىر بويى قورعايدى.

مەديتسينا ماماندارىن الاڭداتىپ وتىرعانى Covid-19 قىسقا ۋاقىت ىشىندە قايتا كۇش الىپ كەتەدى. وعان قوسا ول گريپپ سەكىلدى ينفەكتسيالارعا سالىستىرعاندا كوپ مۋتاتسيا بولمايدى. زەرتتەۋشىلەر اتالعان جاڭا كوروناۆيرۋس ءبىرجولاتا جوعالىپ كەتۋدەن بۇرىن ۋاقىتىلى كۇشەيىپ وتىراتىنىن ايتادى. ارينە، بۇل دا قازىرشە تەوريا جۇزىندە. ونى تولىق دالەلدەۋ ءۇشىن قوسىمشا زەرتتەۋلەردى قاجەت ەتەدى.

زەرتتەرمەندەر الەمدى دۇرلىكتىرگەن بۇل ينفەكتسيا جايىندا كۇن سايىن جاڭا مالىمەت جيناۋدا. سونىڭ وزىندە مەديتسينا ماماندارىن تاڭقالدىرعان كەيبىر سۇراقتارعا ءالى دە جاۋاپ جوق.

"The Qazaq Times"