Foto: Forbes.kz

Säuir ayı suıq jeldi aua-rayımen bastaladı, elimizdiñ köptegen bölikterinde  jauın-şaşındı  jäne  köktayğaq  boladı,  oñtüstikte  jäne oñtüstik-şığısında  qattı jauın-şaşındı boladı. Bwl turalı RGP "Qazgidromet" habarladı.

Osı ayda Respublikamızdıñ batısında  tünde 2-10 gradusqa deyin ayaz, kündiz 0-8 jılı bolsa; elimizdiñ soltüstik, şığıs jäne ortalıqtarda tünde 5-15 gradusqa deyin ayaz, kündiz 0-8 gradusqa deyin ayaz kütilude; oñtüstik  jäne oñtüstik-şığısta 0-5 jılı, kündiz  5-13 jılı boladı dep boljanuda.

Sodan keyin, Qazaqstannıñ barlıq aumaqtarında birinşi onkündiktiñ soñına qaray Ortalıq Aziya aumaqtarınan jılı aua massalarınıñ enuimen elimizde jılı,  oñtüstikte tipti ıstıq aua-rayı kütiledi.

Termometr körsetkişteri kündiz: soltüstik jartısında 8-15 gradusqa deyin joğarılaydı; oñtüstik jartısında 18- 25 gradusqa deyin jılı boladı.

Kezekti suıq tolqını qar aralas jañbırmen soltistik öñirlerde, jañbır türinde elimizdiñ oñtüstik böliginde batısta ekinşi onkündiktiñ basında,  soltüstik jäne ortalıqta ekinşi onkündiñtiñ ortasında, oñtüstikte, oñtüstik-şığısında jäne şığısta onkündiktiñ soñında kütiledi.

Bwl kezde aua temperaturası: elimizdiñ soltüstik jartısında  tünde  2 gradus ayaz 3 gradus jılığa, kündiz 3-8 gradus jılığa deyin; oñtüstik jartısında tünde 3-10 gradus jılığa, kündiz 10-15 jılığa deyin tömendeydi.

Aldın ala boljamğa säykes,  säuir ayınıñ  üşinşi onkündiginde jılı jäne jañbırlı künder basım boladı.

Auanıñ temperaturası: soltüstik jartısında  tünde 5-10 gradus jılığa,  kündiz 10-15 gradus jılığa; oñtüstik jartısında tünde 10-15 gradus jılığa,  kündiz 15-20 gradus jılığa deyin joğarılaydı.

Osılayşa auanıñ  ortaşa aylıq temperaturası  Batıs Qazaqstan, Aqtöbe oblısınıñ soltüstik jartısında, Qostanay oblısınıñ batıs böliginde  qalıptı  normadan 1°C tömen,  Oñtüstik Qazaqstan, Jambıl, Almatı jäne Şığıs Qazaqstan oblısında auanıñ  ortaşa aylıq temperaturası  qalıptı mqlşerden 1°S joğarı, qalğan  aymaqtarda qalıptı norma töñireginde boljanadı.

Al jauın-şaşınnıñ mölşeri Batıs Qazaqstan, Soltüstik Qazaqstan, Aqmola, Qostanay oblısınıñ key jerlerinde,  Oñtüstik Qazaqstan, Jambıl, Almatı jäne Şığıs Qazaqstan oblısınıñ taulı jäne tau bökterli aymaqtarda qalıptı normadan joğarı, qalğan  aymaqtarda qalıptı norma töñireginde kütiledi.

“The Qazaq Times”