«Qazgidromet» RMK elimizdiñ üş öñirinde kün rayına baylanıstı eskertu jariyaladı. 

Ötken jwma kün rayın boljauşı mamandar klimattıq qıs bastalğanın habarlağan bolatın. Jalpı 21-22 qaraşa klimattıq qıstıñ bası bolıp sanaladı. Biraq respublikanıñ soltüstik, ortalıq jäne şığıs aymaqtarınıñ twrğındarı üşin erte kelip qana qoymay, anomal'dı ayazdarmen bastalıp, oñtüstik oblıstarğa da taradı.

Demalıs künderi bastalğan soltüstik teñizderden suıq jäne dımqıl aua tüsui jalğasadı. Bügin Aqmola oblısınıñ key aumaqtarında twman tüsip, köktayğaq, jayau bwrqasın bolıp, jeldiñ jıldamdığı 15-20 metr jetedi. Al Soltüstik Qazaqstanda qar jauadı, twman tüsip, köktayğaq bolmaq degen boljam bar. Jel sekundına 15-20 metr jıldamdıqpen soğadı desedi. Türkistan oblısınıñ key jerlerinde köktayğaq boladı. Jeldiñ jıldamdığı 15-20 metrge jetedi. Dauıl soğu ıqtimaldığı 90-95 % körinedi.

Sonday-aq vedomstvo mamandarı qıstıñ alğaşqı eki ayında (jeltoqsan, qañtar) respublikamızdıñ basım böliginde salıstırmalı jılı aua rayı boladı dep boljap otır. Dolbarlap aytqanda, aua temperaturası klimattıq normadan 3-5°S-qa tömen künder de boluı mümkin.

"The Qazaq Times"