ەلىمىزدىڭ ءساۋىر ايىنداعى اۋا-رايى بولجامى

ءساۋىر ايى سۋىق جەلدى اۋا-رايىمەن باستالادى، ەلىمىزدىڭ كوپتەگەن بولىكتەرىندە  جاۋىن-شاشىندى  جانە  كوكتايعاق  بولادى،  وڭتۇستىكتە  جانە وڭتۇستىك-شىعىسىندا  قاتتى جاۋىن-شاشىندى بولادى. بۇل تۋرالى رگپ "قازگيدرومەت" حابارلادى.

وسى ايدا رەسپۋبليكامىزدىڭ باتىسىندا  تۇندە 2-10 گرادۋسقا دەيىن اياز، كۇندىز 0-8 جىلى بولسا; ەلىمىزدىڭ سولتۇستىك، شىعىس جانە ورتالىقتاردا تۇندە 5-15 گرادۋسقا دەيىن اياز، كۇندىز 0-8 گرادۋسقا دەيىن اياز كۇتىلۋدە; وڭتۇستىك  جانە وڭتۇستىك-شىعىستا 0-5 جىلى، كۇندىز  5-13 جىلى بولادى دەپ بولجانۋدا.

سودان كەيىن، قازاقستاننىڭ بارلىق اۋماقتارىندا ءبىرىنشى ونكۇندىكتىڭ سوڭىنا قاراي ورتالىق ازيا اۋماقتارىنان جىلى اۋا ماسسالارىنىڭ ەنۋىمەن ەلىمىزدە جىلى،  وڭتۇستىكتە ءتىپتى ىستىق اۋا-رايى كۇتىلەدى.

تەرمومەتر كورسەتكىشتەرى كۇندىز: سولتۇستىك جارتىسىندا 8-15 گرادۋسقا دەيىن جوعارىلايدى; وڭتۇستىك جارتىسىندا 18- 25 گرادۋسقا دەيىن جىلى بولادى.

كەزەكتى سۋىق تولقىنى قار ارالاس جاڭبىرمەن سولتىستىك وڭىرلەردە، جاڭبىر تۇرىندە ەلىمىزدىڭ وڭتۇستىك بولىگىندە باتىستا ەكىنشى ونكۇندىكتىڭ باسىندا،  سولتۇستىك جانە ورتالىقتا ەكىنشى ونكۇندىڭتىڭ ورتاسىندا، وڭتۇستىكتە، وڭتۇستىك-شىعىسىندا جانە شىعىستا ونكۇندىكتىڭ سوڭىندا كۇتىلەدى.

بۇل كەزدە اۋا تەمپەراتۋراسى: ەلىمىزدىڭ سولتۇستىك جارتىسىندا  تۇندە  2 گرادۋس اياز 3 گرادۋس جىلىعا، كۇندىز 3-8 گرادۋس جىلىعا دەيىن; وڭتۇستىك جارتىسىندا تۇندە 3-10 گرادۋس جىلىعا، كۇندىز 10-15 جىلىعا دەيىن تومەندەيدى.

الدىن الا بولجامعا سايكەس،  ءساۋىر ايىنىڭ  ءۇشىنشى ونكۇندىگىندە جىلى جانە جاڭبىرلى كۇندەر باسىم بولادى.

اۋانىڭ تەمپەراتۋراسى: سولتۇستىك جارتىسىندا  تۇندە 5-10 گرادۋس جىلىعا،  كۇندىز 10-15 گرادۋس جىلىعا; وڭتۇستىك جارتىسىندا تۇندە 10-15 گرادۋس جىلىعا،  كۇندىز 15-20 گرادۋس جىلىعا دەيىن جوعارىلايدى.

وسىلايشا اۋانىڭ  ورتاشا ايلىق تەمپەراتۋراسى  باتىس قازاقستان، اقتوبە وبلىسىنىڭ سولتۇستىك جارتىسىندا، قوستاناي وبلىسىنىڭ باتىس بولىگىندە  قالىپتى  نورمادان 1°C تومەن،  وڭتۇستىك قازاقستان، جامبىل، الماتى جانە شىعىس قازاقستان وبلىسىندا اۋانىڭ  ورتاشا ايلىق تەمپەراتۋراسى  قالىپتى مقلشەردەن 1°س جوعارى، قالعان  ايماقتاردا قالىپتى نورما توڭىرەگىندە بولجانادى.

ال جاۋىن-شاشىننىڭ مولشەرى باتىس قازاقستان، سولتۇستىك قازاقستان، اقمولا، قوستاناي وبلىسىنىڭ كەي جەرلەرىندە،  وڭتۇستىك قازاقستان، جامبىل، الماتى جانە شىعىس قازاقستان وبلىسىنىڭ تاۋلى جانە تاۋ بوكتەرلى ايماقتاردا قالىپتى نورمادان جوعارى، قالعان  ايماقتاردا قالىپتى نورما توڭىرەگىندە كۇتىلەدى.

“The Qazaq Times”