Mekemtas Mırzahmettiñ dini közqarasın ateistikten mwsılmanşılıqqa alıp kelgen ne? Abız-ğalım nelikten Säbit Mwqanovqa ermedi? Kommunist bozjigitten qalay tolısqan abaytanuşı şıqtı? Qazaqtıñ klassikalıq dünieniñ sırtqı-ruhani köringen-körinbegen iliminiñ qwdireti, ötkeni men bügini. YAssaui sopılıq mektebiniñ mañızı jäne din-dünie isin qatar tizgindeudiñ sara jolı qazaq ömiriniñ bastı wstını bolğandığın söz etken ğılımnıñ aqsaqalı imandı ğılım qajet  dep sanaydı.

Qazaqstandağı din ökilderiniñ sayasi jağdayğa aralasuı, memleketti basqaru isine dini twlğalardıñ tartıluınıñ aqırı nege jetkizedi? Qazaqtıñ tüpki tabiğatın jiti tanitın ğalımnıñ Qorday qaqtığısı, düngenderdiñ qonıs audaruı, olardıñ dil-bolmısı turalı öz payımın bölisti.

Uahabisterden keletin qauip qanday? Dästürli qwndılıqtı joqqa şığaruşı astırtın psevdosäläfterdi «sırtqı küş aqşamen» demeu körsetetinin aytadı. «Batıstağı uahabşıldardıñ äseri küşti boluınıñ» sırı qaysı? Jastardı adastıratın şırmaudan araşalar «dara» immunitet... «Taza» qazaqtıñ köbeyui jäne oğan «janı qas şala qazaq pen ada qazaqtıñ» dittegeni ne?

Osı swraqtar jöninde atı altı alaştan asqan mäşhür ğalım Mekemtas Mırzahmet emhanada jatqanına qaramay, bizdiñ saualımızğa jauap bergen edi.  

"The Qazaq Times"