مەكەمتاس مىرزاحمەتتىڭ ءدىني كوزقاراسىن اتەيستىكتەن مۇسىلمانشىلىققا الىپ كەلگەن نە؟ ابىز-عالىم نەلىكتەن ءسابيت مۇقانوۆقا ەرمەدى؟ كوممۋنيست بوزجىگىتتەن قالاي تولىسقان ابايتانۋشى شىقتى؟ قازاقتىڭ كلاسسيكالىق دۇنيەنىڭ سىرتقى-رۋحاني كورىنگەن-كورىنبەگەن ءىلىمىنىڭ قۇدىرەتى، وتكەنى مەن بۇگىنى. ياسساۋي سوپىلىق مەكتەبىنىڭ ماڭىزى جانە ءدىن-دۇنيە ءىسىن قاتار تىزگىندەۋدىڭ سارا جولى قازاق ءومىرىنىڭ باستى ۇستىنى بولعاندىعىن ءسوز ەتكەن عىلىمنىڭ اقساقالى يماندى عىلىم قاجەت  دەپ سانايدى.

قازاقستانداعى ءدىن وكىلدەرىنىڭ ساياسي جاعدايعا ارالاسۋى، مەملەكەتتى باسقارۋ ىسىنە ءدىني تۇلعالاردىڭ تارتىلۋىنىڭ اقىرى نەگە جەتكىزەدى؟ قازاقتىڭ تۇپكى تابيعاتىن ءجىتى تانيتىن عالىمنىڭ قورداي قاقتىعىسى، دۇنگەندەردىڭ قونىس اۋدارۋى، ولاردىڭ ءدىل-بولمىسى تۋرالى ءوز پايىمىن ءبولىستى.

ۋاھابيستەردەن كەلەتىن قاۋىپ قانداي؟ ءداستۇرلى قۇندىلىقتى جوققا شىعارۋشى استىرتىن پسەۆدوسالافتەردى «سىرتقى كۇش اقشامەن» دەمەۋ كورسەتەتىنىن ايتادى. «باتىستاعى ۋاھابشىلداردىڭ اسەرى كۇشتى بولۋىنىڭ» سىرى قايسى؟ جاستاردى اداستىراتىن شىرماۋدان اراشالار «دارا» يممۋنيتەت... «تازا» قازاقتىڭ كوبەيۋى جانە وعان «جانى قاس شالا قازاق پەن ادا قازاقتىڭ» دىتتەگەنى نە؟

وسى سۇراقتار جونىندە اتى التى الاشتان اسقان ءماشھۇر عالىم مەكەمتاس مىرزاحمەت ەمحانادا جاتقانىنا قاراماي، ءبىزدىڭ ساۋالىمىزعا جاۋاپ بەرگەن ەدى.  

"The Qazaq Times"