Foto: mail.kz

2019 jıldıñ 1 jeltoqsanına qarastı BJZQ-nıñ negizgi körsetkişteri 

Birıñğay jinaqtauşı zeynetaqı qorında (bwdan äri – BJZQ, Qor) jarnalardıñ barlıq türleri boyınşa aşılğan jeke zeynetaqı şottarınıñ sanı 10,6 mln birlikten astı. 

BJZQ – büginde 10,6 millionnan astam şottıñ esebin jürgizetin jäne äkimşilik etetin twraqtı qarjılıq institut. Bwl şottarda jinaqtalğan qarajattıñ soması 2019 jıldıñ 1 jeltoqsanına qaray 10,7 trln teñgeni qwrap, jıl basınan beri 14 payızğa köbeydi. Ösu qarqını negizinen mindetti zeynetaqı jarnaları boyınşa aşılğan şottarda bayqaladı – olardağı jinaq soması 10,4 trln teñgeni (jalpı somanıñ 97,7 payızı) qwrap, jıl basınan beri 14 payızğa östi.

Mindetti käsiptik zeynetaqı jarnaları (MKZJ) boyınşa jinaqtalğan qarajattıñ soması 241,8 mlrd teñgege jetse (bükil jinaq aqşanıñ 2,3 payızı), erikti zeynetaqı jarnaları (EZJ) boyınşa jinaqtardıñ soması 1,9 mlrd teñge boldı (0,02 %).

Salımşılardıñ MZJ esebinen aşılğan şottarında jinaqtalğan qarajattıñ ortaşa soması – 1,1 mln teñge, MKZJ boyınşa – 493,8 mıñ teñge jäne EZJ boyınşa – 49,4 mıñ teñgeni qwradı.

Mindetti zeynetaqı jarnaları esebinen qalıptasqan jinaqtardıñ ortaşa kölemierlerde – 1,2 mln teñge (jıl basınan bergi ösim – 9%), äyelderde – 933,4 mıñ teñge (jıl basınan bergi ösim – 11%).

Mindetti zeynetaqı jarnaların zeynetaqı qorına 1998 jıldan beri twraqtı audarıp kelgen er azamattardıñ jinaqtarınıñ ortaşa kölemi – 5,1 mln teñge, al äyelderde – 3,9 mln teñge.

Jıl basınan beri salımşılar men aluşılardıñ jeke zeynetaqı şottarına eseptelgen taza investiciyalıq tabıs 600,5 mlrd teñgeni qwradı. Al zeynetaqı aktivteriniñ tabıstılığı 2019 jıldıñ 11 ayında 6,16 payızdı körsetti. Bwl kezeñdegi inflyaciya 4,7 payız boldı. Jıldıq twrğıdan alğanda zeynetaqı jinaqtarınıñ tabıstılığı soñğı 12 ay işinde 8,13 payızğa jetse, osı kezeñdegi inflyaciya deñgeyi 5,4 payızdı körsetti. YAğni, zeynetaqı aktivteriniñ tabıstılığı oñ sipatqa ie.

Ağımdağı jıldıñ 11 ayında 292,6 mıñ adamğa 185,8 mlrd teñge köleminde zeynetaqı tölemderi berildi. Onıñ işinde:

- zeynet jasına toluğa baylanıstı – 59,5 mlrd teñge;

- 1 jäne 2 topta merzimsiz mügedektigi bar jandarğa – 1,6 mlrd teñge;

- Qazaqstannan şetelge twraqtı twruğa ketuge baylanıstı – 44,6 mlrd teñge;

- mwragerlik boyınşa – 25,2 mlrd teñge;

- jerleuge baylanıstı – 2,9 mlrd teñge;

- basqa twlğalarğa – 0,1 mlrd teñge;

- ömirdi saqtandıru boyınşa kompaniyağa (ÖSQ) – 52,0 mlrd teñge tölendi.

Salıstıratın bolsaq, ötken jıldıñ säykes kezeñinde BJZQ-dan 156,0 mlrd teñge tölengen bolatın. Onıñ işinde mwragerlik boyınşa – 20,7 mlrd teñge tölense, saqtandıru wyımdarına – 22,2 mlrd teñge audarıldı.

Biıl mindetti käsiptik zeynetaqı jarnalarınıñ engizilgenine bes jıl toldı. Soğan säykes salımşılar mindetti zeynetaqı jarnalarımen qatar mindetti käsiptik zeynetaqı jarnaları esebinen zeynetaqı annuitetin aluğa qol jetkizdi. Saqtandıru wyımdarına audarılatın jinaqtardıñ kölemi osı sebepten artuda.

Keste boyınşa ay sayınğı zeynetaqı tölemderiniñ ortaşa soması 21 102 teñgeni qwradı. Bwl rette ay sayınğı eñ joğarı tölem 514 666 teñge boldı.

Birıñğay jinaqtauşı zeynetaqı qorı kele jatqan Jaña – 2020 jıl  qarsañında Qordan zeynetaqı tölemderi zeynet jasına tolğan azamattarğa (erlerge 63 jasqa tolğanda, äyelderge biıl 2019 jıldıñ 31 jeltoqsanına deyin 59 jasqa tolğanda) beriletindigin tağı da eske saladı. Bwl rette äyelderdiñ zeynetke şığu jası 2027 jılğa deyin 63 jasqa jetkenşe jılına 6 ayğa wzartılıp otıradı.

Eger äyel adamzeynetkerlik jasqa biılğı jıldıñ 30-31 jeltoqsanında tolatın bolsa, onda oğan 10 kün qalğanda, yağni 21-31 jeltoqsan aralığında Halıqqa qızmet körsetu ortalığına barıp, ötiniş berui qajet. Eger qanday da bir sebeppen kele almasa, zeynetaqını räsimdeu üşin tağı 6 ay kütuine tura keledi. Öytkeni 2020 jıldıñ 1 qañtarınan bastap äyelder «Qazaqstan Respublikasında zeynetaqımen qamsızdandıru turalı» Zañnıñ 11-babınıñ 1 tarmağına säykes zeynetkerlikke 59,5 jasqa tolğanda şığadı.

"The Qazaq Times"